سخر النشطاء من سؤال احدى الامهات واثار الكثيرمن السخرية بين رواد فيس بوك حيث نشرت الأم بوست على احدى الجروبات تسال فيه عن كم المهر والشبكة التى تطلبه من جهة العريس مع العلم ابنتها طويلة وبيضا وجميلة .

نشرت الام بوست تقول فيه " بنتى جايلها عريس عقبال بناتكم يارب المهم بقى المفروض نطلب شبكة ومهر فى حدود كام مع العلم انها جميلة وبيضا وطويلة".

وجائت تعليقات رواد فيس بوك بين الغاضبين والساخرين حيث كتب أحدهم قائلا "جميلة وبيضا وطويله تبقي ماسورة الغاز" .

وكتب آخر " خش على olx و شوفي سعر السوق عشان ما يضحكش عليكم " .

وسخر أخر " طمنونا القمحاوية وصلت كام ف السوق النهارده؟ " .

 وعلق اخر " الطوال بيطلبوا مهر أكتر.. انصحي لنفسك عشان ميضحكش عليك " .

ونصح أحدهم والدة العروس قائلا " اطلبي الستر مهر و الراحه شبكه و العفه بيت و اطلبي كل مايرضي الله ف الفرح.... والله الموفق " .

  وسخر متابع اخر قائل "شوفي سعر المتر للستات البيضه الحلوه الجميله عامل كام
واضربي في 2
عشان تبقى اعلى من بنت خالتها " 

وناشد اخر الام " اطلبى واحد يتقى ربنا فى نفسه وفيها طول ماتفكيركوا مادى مش هاتتصلح احوالكم " .