سادت حالة من الغضب بين وراد موقع التواصل الاجتماعى "فيسبوك" خلال الساعات الماضية، بسبب رسالة وجهتها إحدى السيدات بسبب قضية الأطفال المكفولين، حيث كشفت عن موقف صعب تعرضت له طفلة أعادتها الأسرة التي كفلتها إلى دار الإيواء من جديد بعدما اكتشفت الأم أنها في شهور الحمل.
وقالت السيدة عبر صفحتها على فيسبوك :"السلام عليكم ورحمة الله وبركاته ، اليوم وانا في الشؤون شوفت راجل وست كبيره تقريباً مامته او حماته كانوا يرجعوا بنوته عندها 3 سنين وتقريبا الأورمان او دار تانيه يستلموها الراجل كان عينه كاسات دم والست الكبير آسيا جدا عماله تشد البنت وتزقها والرجل في ذهول ، وسأل الموظفه قالت مراته حامل ومش عايزه البنت "
وتوسلت الأم قائلة ممن يريدوا كفالة طفل :"ارجوكم فكروا مليون مره قبل قرار الكفاله .. الكفاله مش موضه مش تريند !! مش تجربة .. انت بتكفل طفل بني ادم تم التخلي عنه اول مره ماتبقاش انت والزمن عليه ارجوكم !!البنت باذن الله هيتم كفالتها في اسر كتير قائمه انتظار بس الاطفال مش لعبه نجربها ولا سد خانه .. "
وأكدت الأم عن ان النهارده من أسوأ الايام في حياتها في الاحتضان في مصر من كتر التفاصيل المؤلمه اللي عماله اسمعها من الصبح يارب ارحمني وارحم ضعفي وقلة حيلتي . يارب انقذهم يارب.
وتعاطف رواد فيس بوك مع الطفلة وشعروا بالغضب الشديد على الام المتكفلة بالطفلة وارادت اعادتها مرة اخرى قائلين " لا بجد ده تقطيع قلب هو لازم قانون بجد يمنع الى بيحصل دا حبيبة قلبى عندها 3 سنين يعنى مدركة وحاسة وفاهمة وعارفة تعبر ربنا يلطف بيها يارب وينتقم من الست لان العيال فعلا مش لعبة " .