أثارت الفنانة منة فضالي حالة من الجدل بين الجمهور على مواقع التواصل الاجتماعي، بعدما عبّرت عن استيائها مما حدث للفنان نضال الشافعي بعد تعرضه لوعكة صحية أدت لإجراء جراحة عاجلة لاستئصال جزء من القولون بسبب الضغط العصبي أثناء تصوير فيلم "ميني بار".
وقالت منة عبر صفحتها الرسمية على فيسبوك :"نضال مش بس زميل لا أخ وصاحب بجد وبحبو وبحترمو جدا وكل الناس بتحبو وبتحترمو".
وأضافت قائلة: "معروف عن نضال انو هادي ومؤدب بزياده والناس بتستغل ده للاسف اللي حصل لنضال نتيجه زعل وانفعال وصلو لعمليه كبيره في القولون علشان الشغلانه اللي احنا فيها اللي الناس فاكره ان حياتنا مرفهه بس لا احنا بنشوف الوحش اكتر والله مش لازم نوريكم غير الجانب الكويس للأسف ادعولو يقوم بسلامه ربنا يشفيك يا صاحبي وتقوم بسلامه ويخف من عليك وترجع لبيتك ومراتك القمر وعيالك وجمهورك اللي بيحبك".
وثار غضب الجمهور على منة خاصة بعد تصريحها في منتصف حديثها قائله" اللي حصل لنضال نتيجة زعل من الشغلانه بتاعتنا بس الناس فاكرة انا حياتنا مرفهه" حيث علق أحدهم قائلاً :"انتى طالعه تواسى الراجل ولا ترمى كلام على الناس .. اطمنى محدش يتمنى فلوسكم ولا حياتكم ..وربنا يشفى نضال وجميع مرضانا".
وردت متابعة أخرى: "ربنا يشفيه ويشفي كل مريض اولا، بس يعني اية بنشوف الوحش اكتر؟ مفيش اي امتنان لله على نعمه عليكم؟ ما كل الناس صايبها اللي صايبها وبتقول الحمد لله وناس اقل منكم ف المستوى بس عندهم رضا!".
وأضاف متابع:"لا هاتى الفلوس والعربيات والفيلا والشالهات والشهره يا منه وما تعوليش هم الانفعالات" والأخيره ترد "هو ربنا يشفيه ويعافيه طبعا ولولا الحياة المرفهه اللى بتنكريها مكنش راح مستشفى زى دى ولحقوه ..".
يشار أن نضال الشافعي شعر بألم شديد نُقل على إثره إلي المستشفى حيث أجرى جراحة عاجلة في القولون بسبب انفجار إحدى الزوائد الموجودة به.
والجدير بالذكر أن منة فضالي تتعاون مع نضال الشافعي في فيلم "ميني بار". الفيلم من بطولة صلاح عبدالله، راندا البحيري، علاء مرسي وغيرهم نخبة من النجوم.
