نشرت إحدى السيدات، عبر صفحات الشكاوى على الفيس بوك، رسالة تشكو فيها من تعرضها للتنمر والسخرية من زوجها بسبب وزنها الزائد، ما دفع رواد الموقع إلى الهجوم عليه وعلى من هم على شاكلته.
وجاء في الرسالة: "هل من حق الزوج يتريق على جسم مراته أنها تخينه يعنى وديما يقولها بصى لوزنك ازاى بيجيلك نوم بصى منظر جسمك أنا بتكسف أمشي معاكى قدام الناس ولو فيه مناسبة مثلا مش بيرضى يخليها تروح معاه هى ٩٠ ك بس قصيرة".
ومن الردود التي جاءت عليها: " قلة ذوق وفهم بس معلش خسي علشان نفسك وصحتك"، و"حبيبتي اللي بيعمل كده ده بيكون عنده نقص وحاسس أنك أحسن منه في حاجة فبيحاول يقلل ثقتك في نفسك ويكسرك ده مش حد بينصح بحب أو علشان خايف على صحتك لا ده حد ناقص"، و"بعد اللي حصل اليومين دول الواحد اتأكد إن الزواج واختيار الزوج أو الزوجة من أصعب قرارات الحياة، أنا هعمل ايه بالشكل الحلو أو بالفلوس أو بالمنصب!!! كل دا مش هينفعني لما يكون شخص أخلاقه مش كويسة أو مشوه نفسيًا أو عنده عقد وعايز شخص يطلع عقده عليه ..الدنيا طريق صعب ومحتاج شريك يكون هيّن ليّن متفاهم وعنده مبادئ يرجعلها وأخلاقه عالية ويقدر يفهم ويحتوي الشخص اللي عايش معاه ..لو دا مش موجود يبقا مالوش لازمة خالص مش بأيدى أى حاجة غير أنى أقول ربنا يرزقنا حسن الاختيار".
