نشر الفنان محمد محمود عبد العزيز، صورة له مع خطيبته وأصدقائه بعد حفل عيد ميلاده الأخير الذي جمعهم، وفاجأته خطيبته فيه، ورد عليها المفاجأة هو الآخر.

وعلق محمد محمود عبد العزيز، على الصورة قائلًا: "مش عارف أقول إيه والله بجد فرحتونى جدا جدا بوجودكم معايا وحواليا، يا رب دايما متجمعين على الخير كله إن شاء الله، مش عارف أشكركم إزاى أو أقول إيه لكل واحد فيكم قطع إجازته أو جالى من مكان بعيد أو سهر معايا وهو عنده شغل تانى يوم الصبح بدرى".

 

 

 

 

View this post on Instagram

 

 

 

 

 

 

 

 

 

 

 

A post shared by محمد محمود عبدالعزيز (@mohamedmahmoudabdelaziz_)

وتابع: "شكرا شكرا شكرا من كل قلبى والله العظيم، ربنا يخليكوا ليا و مش قادر ماشكرش ساره صاحبة الفكره و التجميعه الحلوه اوي دى اللي بجد عرفت تفرحنى بوجودها فى حياتى و جودكم معايا.. شكرا شكرا شكرا شكرا (اسألكم الفاتحه و الدعاء لابويا و لكل من رحلوا عنا)".

وسبق وأن نشر الفنان محمد محمود عبد العزيز فيديو ظهر فيه وهو يفاجيء خطيبته ويتقدم لها بخاتم على الطريقة الأجنبية، على حسابه عبر "إنستجرام"، وعلق قائلاً: "خطيبتى عملتلى مفاجأة عشان عيد ميلادى وبرغم اننا متفقين من اول يوم اننا مش هانفاجئ بعض بأى حاجه بس هى كانت عايزه تفرحنى بأى طريقه و جمعتلى اصحابى و حبايبى اللى بجد عايز اشكرهم جدا واحد واحد و واحده واحده بجد مش عارف اقولكم ولا اشرحلكم وجودكم فرحنى ازاى و والله ما كنت عايزكم تروحوا".

واستطرد محمد محمود عبد العزيز قائلا:" المهم بقا إن انا من يومين حسيت احساس اقرب الى اليقين انها بتحضر لحاجه و قررت جوايا ان لو طلع احساسى صح انا كمان لازم افاجئها وفى نفس اليوم.. وده كان ردى على مفاجئتها".

ويذكر أن "عبدالعزيز" شارك في السباق الرمضاني الماضي لعام 2021، في مسلسل "قصر النيل"، وتدور أحداثه حول حياة كاميليا التي يُقتل والدها بعد شجاره مع الأرستقراطي فهمي السيوفي أثناء طفولتها، وتعود كاميليا بعد سنوات للانتقام من أبناء عائلة السيوفي.

"قصر النيل" من بطولة دينا الشربيني، ريهام عبدالغفور، صبري فواز، أحمد خالد صالح، محمود البزاوي، صلاح عبدالله، أحمد مجدي، ميريت عمر الحريري، منا عادل، آية إبراهيم، مريم الخشت، نشوى علي، وتأليف محمد سليمان عبدالمالك، وإخراج خالد مرعي، وإنتاج محمد مشيش.