تداول عدد من رواد موقع التواصل الاجتماعي فيسبوك منشورًا كتبته إحدى الفتيات، تكشف من خلاله عن قصة تعرضت لها مع سائق أمين، وهي القصة التي أثارت إعجاب النشطاء على الموقع الإلكتروني.
وقالت مروة الصاوي في منشورها :"انا نسيت اللاب توب بكل حاجات الشغل في تاكسي ابيض، كنت مرهقة وتعبانة لدرجة اني مركزتش اني نسيته، وفجاة تليفون من رقم غريب والراجل الطيب ده بيكلمني يقولي حضرتك ركبتي معايا ونسيتي شنطتك، انا اتاخرت لحد ما اروح عشان انتي كاتبه كلام بالانجليزي واستنيت ابني يقراه".
وأضافت :"رحت لعم عيد في بيته البسيط بس كبير اوي بالنسبة للناس الطيبة الجدعة الحلوة اللي عايشة فيه، وابنه زي الفل طلع لي وعرفت انه في كلية اسنان رايح سنة خامسة، ولقيت حاجاتي زي ما هي وضياع لاب توبي ده بالنسبة ليا كارثة قومية".
وتابعت الفتاة :"حبيت اقول ان في ناس كويسة ونفسها عفيفة وجميلة كتير احنا بس كل اللي بيطلع لنا اخبار ونماذج سيئة اختصرت مجتمع بحاله، م عيد.. لو مكلمنيش مكنتش عرفت اوصله مهما حاولت، عم عيد سواق تاكسي امين وجدع .. دي النماذج اللي تسحق الدعم وانه يكتب عنها بوستات وتلف العالم بجد".
