طرح الفنان محمد محيي فيديو كليب أغنيته الجديدة "ورقة وقلم" عبر "يوتيوب"، وهي من كلمات إيهاب عبده، ألحان مصطفى عوض، توزيع رفيق عاكف، وإخراج كامبا.
وتقول كلماتها:
أنا هكسب فيك ثواب
من غير جرح وعذاب
هبعد وهقول بتيجي على أتفه الأسباب
أنا هبقي معاك كريم
مش هفتح سين وجيم
أنا عايز بس أقولك في بينا حساب قديم
هات ورقة وقلم وتعالى نحسب سوا
كام دمعة بكيتها عيني
كام جرح يقول داويني
ياما قولت هتهنيني ماشوفتش يوم هنا أنا
هات ورقة وقلم
وتعالى نحسب سوا
اللي أنت عملته فيّا
كِرهت الدنيا ديّه
وعشان تحس بيا قدامك 100 سنة
هات ورقة وقلم
أنا عايز أديلك فكرة
إن ملكش معايا ولا ذكرى
حلوة تمحي الألم
واللي اتظلم آه
قلبي اللي عاش عمره في هواك ماحسبلهاش
دي ذكريات أليمة
ماعدش ليها قيمة
مابقاش في حتة سليمة
في قلبي من الألم
مش هندم إني سبتك
ورميت ورا قلبي طوبتك
بس أنا ذنبي في رقبتك
بالورقة وبالقلم
وكان محيي طرح أخيرًا أغنية "مابقتش شبهي"، عبر "يوتيوب" وحققت أكثر من ثلاثة ملايين مشاهدة منذ طرحها.
أغنية "مابقتش شبهي" من كلمات رمضان مرسي، ألحان مدين، وتوزيع بيرم، وإنتاج رمضان حسني.