دافعت الفنانة الشابة راندا البحيري عن النجم السوري ساموزين بعد الهجوم عليه بسبب دور البلطجي الذي قدمه في مسلسله "طعم الحياة".
وكتبت راندا في تدوينة بصفحتها بموقع التواصل الاجتماعي "فيس بوك": "موضوع رخم أوي وبجد عيب عيب بالذات لما يبقى زميل، يعني إيه كل الناس وأغلب اللي شغالين في المهنة فجأة اشتغلوا مُحللين ونقاد وبينقدوا زميلهم المطرب اللي كل غلطته أنه حاول يجتهد ويمثل دور علشان يبسط بيه الناس".
وأضافت البحيري: "كل اللي في الوسط عارفين كويييييس أوي إن المخرج الجامد بيطلع من الممثل أي حاجة هو عايز يطلعها يعني سامو مش غلطان ومش هو اللي اتسبب في خروج المسلسل بالشكل ده".
واختتمت راندا كلامها قائلة: "أي حد عنده قدرات سامو التمثيلية كان زمانه اتوجه وطلع أحسن ما عنده شكرا لكل اللي اتريق على زميلنا المطرب الممثل بكره تتريقوا عليّ لو حصل لي حاجة خوفت من كل شخص عمل كده بمنتهى الصراحة".