كشف الفنان أحمد سعد بطريقة كوميدية عن مواقف عديدة طريفة تبين مدى حب زوجته علياء بسيوني للطعام.
وقال إنه عندما تعرف عليها في البداية أنه من عادته أن يأكل بسرعة ولكن بحكم الذوق والاتيكيت لابد أن يجلس على المائدة حتى تنتهي هي من الأكل ما دفعه لانتظارها نصف ساعة ولكن استمرت في تناول الطعام.
وخلال لقائهما مع الإعلامية بسمة وهبة في برنامج "90 دقيقة" على قناة المحور، قال سعد: " يا جماعة الموضوع كارثي بجد دي عيطت من الجوع وقالت لي أنا عايزة أكلم مامتي كانت بتأكلني 5 مرات في اليوم".
لترد علياء بسيوني حيث روت موقفا حدث بينهما الأسبوع الماضي وقالت "كنا في الساحل على البحر طلبت ساندوتش الساعة 11 الصبح جالي الساعة واحدة ونص وهو كان عنده شغل روحنا من الساحل لإسكندرية دخلنا الأوتيل وهو راح يغني وأنا كنت هموت من الجوع وماقولتش".
قاطعها سعد وقال "كنا في فرح وأخو العريس بيسلم عليا لقيتها بتقولي أنا جعانة هو احنا في رمضان".
وتابع "كنت فاكر إن فيه حاجة في جسمها بتاكل معاها لأنها بتاكل كتير ومش بيبان عليها، أول ما عرفتها قولت لازم ذوق لأني عشوائي في الأكل باكل وأقوم قولت معايا ست فلازم استناها لحد ما تخلص أكل فضلت قاعد نص ساعة وبعدين قولت قليل الذوق مش مهم، وناديت على الراجل ييجي يشيل الأكل بقالها ساعتين وربع بتاكل".
وقالت بسمة وهبة "قبل التصوير وكنا خلاص ابتدينا فهي وقفت التصوير وقالت انا عايزة أكل فانا افتكرت انها بتهزر".
وقال "سعد" ساخرا " أنا اكتشفت إن كل المشاكل اللي كانت بينا سببها أنها جعانة، وبعدين لازم أأكلها أخاف تنزل الشارع حد يضحك عليها بساندوتش، اديها ساندونش تكسب رضاها".
وكان الفنان أحمد سعد احتفل بعقد قرانه على مصممة الأزياء علياء بسيوني، الشهر الماضي واقتصر الحفل على حضور عدد من أهل العروسين والمقربين.