تداول مستخدمو مواقع التواصل الإجتماعي وخاصة على موقع «فيسبوك» صورة لموزة مُغلفة تحمل شعار متجر شهير تم عرضها للبيع بمبلغ 70 جنيهاً مصرياً، ما أشعل الجدل بين المتابعين الذين اعتبروا أن شراء الموزة بهذا السعر أمير غير مقبول، وبخاصة أن  سعر الكيلو من الموز يبلغ حوالي 15 جنيه فقط لا غير .

ونشر أحد نشطاء فيس بوك الصورة وقال " فكرة انك تشتري اي شئ غالي مع العلم ان في نفس المنتج وحاجه بتأدي نفس الغرض من اغبي الحجات ال بشوفها في حياتي كونك تشتري موزه ب ٧٠ جنيه وموجود منها الكيلو ب ١٥ جنيه عند الفكهاني تصرف غبي كونك تشتري ايفون ب ٢٥ الف وفي حاجه بتادي نفس الغرض ب ٣ بس شئ غبي شركات كتير في العالم عملت فلوس كتير من جيب الاشخاص دي " 

وأثار المنشور جدلًا واسعًا بين من أيّد حديثه، وبين آخرون اعتبروا أن دفع مبالغ إضافية في أي سعر يعني الحصول على خدمات أفضل، فعلق أحدهم قائلاً :"ديه موزة براند ياعم " وعلق آخر "امال الحاجه دي مين هيشتريها اهل المريخ اللي معاه يدفع يشتري ويتبسط واللي مش معاه ياخد التقليد زيي كده وناس كتير جدا"

وأضافت متابعة "بغض النظر عن مثال ( الموزة ) ده بس لازم تعرف ان " الغالي ثمنه فيه " .  أتأكد ان المقولة ده في محلها جدا 
_ الجاكيت ابو ١٠٠ جنيه مش زي ابو ١٠٠٠ جنيه .
_ العربية ام ٥٠ الف جنيه مش زي العربية اللي ب نص مليون جنيه .
_ الشقة ام ٣٠٠ الف جنيه مش زي الشقة ام مليون جنيه . 
علي قد لحافك مد رجليك .. ولو معاك فلوس دلع نفسك ." والأخير علق " دى حرية شخصيه وتفكير كل واحد  مختلف.... اولا هى اورجانيك .تانى حاجة ال معاة فلوس يمتع نفسة فكل واحد حر"