تداول رواد التواصل الاجتماعى، منشورًا يتحدث عن فكرة إنسانية ابتكرها أحد التجار لمساعدة أبناء الأسر محدودة الدخل، أثناء ذهابهم إلى المدرسة، حيث يقوم بإعداد وجبات غذائية بأسعار رمزية.

وقال صاحب المنشور الذي تم تداوله على نطا واسع :"فى واحد بتاع سوبر ماركت، عامل حاجه جميله كده عشان خاطر الاطفال اللي بيروحوا المدارس والاهالي اللي ما بتقدرش على المصاريف وزي ما انتم شايفين كده كل طبق في ثلاث ساندوتشات ساندوتش لانشون سندوتش جبنه تركي سندوتش حلاوه طحينيه، وشويه زيتون كل ده ب 5 جنيه حبيت انقلكم الفكره وياريت صحاب المحلات سوبر ماركت او الفرن الفينو يتعاونوا مع بعض ويعملوا الفكره دي وربنا يجعله في ميزان حسناتكم جميعا ".

ولقى ذلك تشجيعا من الناس فى تعليقاتهم على البوست، قائلين "ربنا يجزيه كل خير ويجعلها فى ميزان حسناته"، و"ربنا يرزقة من حيث لا يحتسب ويجعلة بميزان حسناتة ... بس اوعى تقول على مكانة هتلاقى كل اللى على الصفحة راحوا على المحل "، "حلو اوي"، "الله يباركله".