تداول النشطاء على موقع التواصل الاجتماعي فيس بوك، منشورًا كتبه فنّي تركيب كاميرات المراقبة، يُحذّر فيه من كارثة من العيار الثقيل تحدث داخال محلات الملابس وتتسبب في تعرّض عدد كبير من السيدات إلى جرائم ابتزاز وفضائح متعددة.
وقال صاحب المنشور :"يا جماعه انا عايز اقول نصيحه الله بصفتي فني تركيب مراقبه، بلاش اى بنت او ست وهيا بتشترى ملابس تغير ملابسها داخل محلات الملابس علشان والله انا حد طلب من كاميرات صغيرة علشان يركبها فى المحل ولما سالته انت هتركب فين بالظبط قالى انا هركبها فى المكتب اللى فيه درج الملابس، قولتله متركب كاميره عاديه فوق المكتب قالى لا انا مش عايزها تبان قولتله انا ممكن اخفيهالك قالى لا انا عايزه صغيره قولتله خلاص انا هجيبهالك واركبهالك قالى لا انا عايزك تجيبها وتقولى ازاى بتتركب وهو اللى هيركبها".
وأضاف :"فى اللحظه دى انا بدأت افهم قصده ايه ولما سالته انت محل ايه مكنش عايز يقول حسيت أنه بيتلجلج وقالى ده محل ملابس وسكت قولته انا اسف مش موجوده حاليا، وللعلم والله انا ما اعرف الشخص ده ولا المكان هو اتصل بيا والموضوع ده اتكرر قبل كده معايا، نصيحه لله بلاش اى حد يغير ملابسه خارج البيت لان الكاميرا المطلوبه صغيرة جدا والكلام ده مخصص للحريم".
واختتم صاحب التحذير :ولو الست اضطرت غصب عنها انها تجرب الملابس دى فى طريقه لكشف الكاميره دى أنها تطفى نور المكان خالص وتشغل كاميرا التليفون وتلف بيها داخل المكان لو فى كاميره هيظهر شعاع لونه بنفسجي ودى أحجام الكاميرات".
وعلق رواد مواقع التواصل الاجتماعي" الفيس بوك ": "فعلا نصيحة كويسة جدا جدا كتر خيرك جزاك الله خير الجزاء لازم كل واحد ياخد باله وبالاش يثق في اي حد"، وعلق أخر ،" ربنا يكثر من امثالك ال عندهم ضمير حي جزاكم الله كل خير"، " ربنا يكثر من امثالك ال عندهم ضمير حي جزاكم الله كل خير"، حسبي الله ونعم الوكيل في كل واحد بيعمل كده وجزاك الله كل خير يارب وما يوقعك في ضيقه ولا يحوجك يارب" وأضاف أخر قالا : جزاك الله خيرا ولله انسان محترم عشان توعي الستات والبنات وحسبي الله ونعم الوكيل ف للي بيعمل كدا"، " منهم لله كاشفي العورات ..سوف يكشف الله لحمهم يوم لا ينفع مال ولا بنون" .
