رد الفنان مراد مكرم علي هجوم السيدات، التي اتهمت الرجل المصري بعدم تحمل المسؤولية، مؤكدًا أن غالبية الرجال المصرية مظلومين في آثر أشباه الرجال.

وكتب الفنان مراد مكرم عبر حسابه علي "فيس بوك": " معلش استحملوني شوية علشان بجد فاض الكيل.. مش كل الرجاله انطاع،مش كل الرجاله مفخده و الستات بتصرف عليهم.."

وتابع: "مش كل الرجاله بيتهربوا من مسؤلياتهم ...ولا حتي الغالبيه....المشكله ان الستات الي متجوزه رجاله بجد ما بيعلنوش عن ده لانه الطبيعي او لانهم خايفين من الحسد ،انما الي متجوزين او متطلقين من الذكور ماليين الدنيا صراخ ،فبقت الصورة المتصدرة للعالم ان الرجل المصري انتيخ و عاله.....حرام عليكم..".

وأضاف: "غالبيه الرجاله المصريين مطحونين علشان يوفروا حياة كريمه لولادهم،غالبية الرجاله المصريين متربيين علي المسؤليه و شيل الهم لانه جزء من تكوينهم ،ومعظمهم ما بيسمعش حتي كلمة شكرا بحجة انه واجبكم ،نسبه كبيره من الي ما بيصرفش علي ولاده مثلا في حالات الطلاق ،بيبقي عند مش انتخه.. ما بقولش ان ده صح ،بس برضه الستات فيه منهم بيقوم بأفعال تغيظ ،اصرف بس ما تشوفش ولادك غير بمزاجي،اصرف بس مالكش دعوة بتربية العيال مش عجباني تربيتك اومال اتجوزتيه ليه..".

وأضاف: "كل راجل حسب تربيته و ماتنسوش ان الي مربياه ست زيكم، لو فيه حسب الاخصائيات ٣٠% من البيوت بيعولها ست ،ففي ٧٠% بيعولها راجل ،يعني الغالبيه العظمي ،و ما تنسوش برضه اننا مجتمع يعتقد ان الراجل في الاصل عليه كل حاجه....و ده مش موجود بره طبعا و بالتالي ما بنسمعش عن ستات بتولول لان في الاصل الحياة عندهم مشاركه و كله بالنص."

واختتم: "رفقا بالرجاله يا جماعه ،فيه منهم شايل جبال ما يحتملهاش بشر.. الله يرحمك يا أبي ،رغم كل خلافاتكم كنت راجل و مهنم امي ،الي ماشتغلتش يوم في حياتها .".