نشرت الفنانة بدرية طلبة صورة لابنتها برفقة حفيدتيها، وعلقت عليها برسالة مؤثرة، وذلك عبر حسابها الرسمي على موقع تبادل الصور والفيديوهات «إنستجرام».

وكتبت بدرية على الصورة: «إحساس صعب ربنا ما يوريه لحد، إمبارح حفيدتي الكبيرة تالين وقعت في المدرسة وراحوا بيها علي المستشفى، قعدت تحت الملاحظة وللأسف أنا مش جنبهم، أنا في شغلي بالرياض قلبى.وجعنى فجأة عليهم من غير ما حد يقولى، لاقيت نفسي بتصل وأطمن وهما مخبيين عليا، ولما عرفت كنت بموت لأنى بعيدة عنهم، لكن الحمدلله ربنا طمن قلبى، وتالين بقت كويسة وقامت بخير وسلامة ربنا ما يكتب علي ولادنا وأحفادنا حاجة وحشة ولا ننضر فيهم أبداً، ويطمنكم علي حبايبكم..الحمدلله اللهم لك الحمد والشكر».
وجاءت التعليقات مواسيةً لها: «ألف ألف سلامة، ربنا يطمنك عليها»، «ربنا ما يحرمكوا من بعض»، «يا حبيبتي فعلاً إحساس صعب»، «ربنا يقومها بالسلامة»، «ربنا يخليهالكوا»، «إن شاء الله تطمني عليها».