تداول رواد موقع التواصل الاجتماعي فيس بوك، صورة لشابة تعول أسرتها بجانب الدراسة، من خلال بيع سندويتشات بالقرب من محطة مترو السيدة زينب، وهو الأمر الذي أثار الإعجاب.
وقال ناشر الصورة في تعليقه عليها :"مريم صلاح عندها 17 سنة طالبه فى 2 ثانوي عام بتشتغل وتصرف على نفسها لظروف والدها ووالدتها وبتحاول توفق بين شغلها ودروسها، مريم مشروعها بسيط جدا عباره عن ان مامتها بتعمل ساندويتشات وتغلفها بطريقه شيك ونضيفه جدا عن تجربه وتتحرك من بيتها بالأكل الساعه ٥ ونص الفجر أو ٦ بالكتير" .
وأضاف :"مكانها سلم محطة مترو السيده زينب بتوصل هناك الساعه ٧ ولو اتأخرت تبقى ٧ ونص الصبح تبيع وتخلص وتتحرك تبدأ تلف ع مواعيد دروسها اوقات للاسف مبتبعش كل الساندويتشات فبتضطر ترجع بخساره او تضيع معاد درس او ٢ ، لو حد بيتحرك في الاتجاه ده يريت يشتري منها".
وأثارت قصة مريم إعجاب رواد فيس بوك، الذين علقوا على صورتها بتعليقات داعمة منها :" بشوفها كل يوم والله وحاجتها نضيفه فعلا ربنا يرزقها ويبارك فيها"، و" ربنا يوفقها يارب بحق الصلاه والسلام على رسول الله صلى الله عليه وسلم"، و" ربنا يعينك يابنتي ويكرمك ويجبر بخاطرك ويفتحلك ابواب الرزق"، و" حاجتها جميله و نضيفه جدا جربت مره و عجبتني جدا".
