روج الفنان مراد مكرم، لحكاية "سكر مر"، ضمن مسلسل "ورا كل باب"، من إخراج محمد عبد السلام، مشيرا إلى أنها حكاية جديدة تعرض في الدراما المصرية لأول مرة.

نشر مراد صورًا له من كواليس حكاية "سكر مر" ضمن مسلسل "ورا كل باب"، تجمعه بأبطال العمل، عبر حسابه على "إنستجرام"، وعلق قائلًا: "من بكره بقى في موضوع تاني خالص، قصة اجتماعية جريئة ومختلفة هتكون معاكم على قناة الحياة الساعه 9 مساء".

 

 

 

 

View this post on Instagram

 

 

 

 

 

 

 

 

 

 

 

A post shared by Mourad Makram (@mourad_makram)

وتابع مراد مكرم: "حكاية تقريبًا أول مرة تعرض في الدراما المصرية، حكاية سكر مر ضمن حكايات ورا كل باب، تجربة حقيقية لمستني وأثرت فيا وفكل طاقم العمل، زملائي المبدعين منة فضالي، إيهاب فهمي، فريال يوسف، رانيا ملاح، وأحمد حلاوة، الطفل آدهم وهدان، وعدد آخر من الفنانين الشباب والأطفال، الحكاية من تأليف أحمد عبد الفتاح إخراج محمد عبد السلام، انتظرونا".

مسلسل "ورا كل باب"، حكاية "سكر مر"، من تأليف أحمد عبدالفتاح، ومن إخراج محمد عبدالسلام، وإنتاج  سينرجي للإنتاج الفني.

وفي وقت سابق، رد الفنان مراد مكرم على هجوم السيدات، التي اتهمت الرجل المصري بعدم تحمل المسؤولية، مؤكدًا أن غالبية الرجال المصرية مظلومين في أثر أشباه الرجال.

وكتب الفنان مراد مكرم عبر حسابه على "فيس بوك": " معلش استحملوني شوية علشان بجد فاض الكيل.. مش كل الرجالة انطاع، مش كل الرجالة مفخدة والستات بتصرف عليهم".

وتابع: "مش كل الرجالة بيتهربوا من مسؤلياتهم... ولا حتى الغالبية... المشكلة أن الستات اللي متجوزة رجالة بجد ما بيعلنوش عن ده لأنه الطبيعي أو لأنهم خايفين من الحسد، إنما اللي متجوزين أو متطلقين من الذكور ماليين الدنيا صراخ، فبقت الصورة المتصدرة للعالم أن الرجل المصري انتيخ وعاله... حرام عليكم".

وأضاف: "غالبية الرجالة المصريين مطحونين علشان يوفروا حياة كريمة لولادهم، غالبية الرجالة المصريين متربيين على المسؤولية وشيل الهم لأنه جزء من تكوينهم، ومعظمهم ما بيسمعش حتى كلمة شكرا بحجة أنه واجبكم، نسبة كبيرة من اللي ما بيصرفش على ولاده مثلا في حالات الطلاق، بيبقى عند مش انتخه.. ما بقولش ان ده صح ،بس برضه الستات فيه منهم بيقوم بأفعال تغيظ ،اصرف بس ما تشوفش ولادك غير بمزاجي،اصرف بس مالكش دعوة بتربية العيال مش عجباني تربيتك اومال اتجوزتيه ليه..".

وأضاف: "كل راجل حسب تربيته و ماتنسوش ان الي مربياه ست زيكم، لو فيه حسب الاخصائيات ٣٠% من البيوت بيعولها ست ،ففي ٧٠% بيعولها راجل ،يعني الغالبيه العظمي ،و ما تنسوش برضه اننا مجتمع يعتقد ان الراجل في الاصل عليه كل حاجه....و ده مش موجود بره طبعا و بالتالي ما بنسمعش عن ستات بتولول لان في الاصل الحياة عندهم مشاركه و كله بالنص."

واختتم: "رفقا بالرجاله يا جماعه ،فيه منهم شايل جبال ما يحتملهاش بشر.. الله يرحمك يا أبي ،رغم كل خلافاتكم كنت راجل و مهنم امي ،الي ماشتغلتش يوم في حياتها .".