أبدى الفنان بيومى فؤاد إعجابه بتعليقات الشباب على قضية الزواج، قائلا: "أنا لما بفتح الفيسبوك والواتس آب بلاقى تعليقات ظريفة".

وأضاف فؤاد، خلال برنامجه "بيومى أفندى"، المذاع عبر فضائية "DMC"، اليوم، "النهاردة لقيت مكتوب أن واحدة قاعدة جنب جوزها زعلانة، فبيقول لها بتفكرى فى إيه، قالت له نفس اللى بتفكر فيه يا روحي، قال لها عايزة تتجوزى عليا يا واطية".

وتابع: "أنا بقى فى حاجة عجبانى جدا، واحد ملخص القضية وكاتب، هو الجواز إيه غير سيب وأنت نازل، هات وأنت راجع، شيل وأنت طالع، والله ما أنت نافع، واحد تانى بيقول راجل بيقول لمراته إحساسك إيه وأنتى بتحشى حلة محشى فى 3 ساعات وأنا والأولاد ناكلهم فى 10 دقايق، قالت له نفس إحساسك وأنت بتشتغل طول الشهر وأنا بصرف مرتبك فى 3 أيام".