طرحت المطربة رنا سماحة، أحدث أغانيها احتفالًا بقدوم مولودها بعنوان "آه يا غرام" على طريقة الفيديو كليب، عبر قناتها الرسمية بموقع نشر الفيديوهات العالمي "يوتيوب".
أغنية "آه يا غرام" كلمات عمرو المصري، ألحان سامر أبو طالب، توزيع أحمد عبد السلام، إخراج كوتي.
ونشرت رنا سماحة، برومو الأغنية، على حسابها عبر "إنستجرام"، وعلقت قائلة: "عدت سنة معرفش عدت امتى ولا إزاي، عشنا فيها حاجات حلوة ومرينا بأيام صعبة.. وعدينا ولسه هنعدي مع بعض إن شاء الله كل اللي جي.. بس السنة دي مختلفة، ربنا باعتلنا رزق ونعمة كبيرة، ربنا يجيبه بخير يا رب.. ويغير حياتنا للأحسن والأحسن.. كل سنة وإحنا مع بعض يا حبيبي".
وتقول كلمات الأغنية: "مهما أحكي لقلبي عنه أو اقول للناس عليه.. مين يصدق قلب يعشق حد جه بص في عينيه.. هي ثانية روحت دنيا تانية غير الدنيا دي.. أنا شكلي يعني بحلم أيوة خلاص أنا دوبت فيه.. آه يا غرام يا غرام.. ياللي بتيجي من غير معاد.. أوام خليت الحب زاد.. وأنا روحي فيه وهموت عليه.. آه م الشوق م الشوق.. دي الدنيا كانت بالمقلوب.. دوبني أنا من نظرة يا دوب.. أول ما عيني جت في عينيه.. يومي قبلك كان بيمشي كله عكس الاتجاه.. وأما شفتك قولت هو ده اللي هيحلي الحياة.. اللي فيا مش في حد أنتي عاملة فيا إيه.. أنا جيت لحد عندك قولت خلاص بقى هي دي.. آه يا غرام يا غرام.. ياللي بتيجي من غير معاد.. أوام خليت الحب زاد .. وأنا روحي فيه وهموت عليه.. آه م الشوق م الشوق.. دي الدنيا كانت بالمقلوب.. دوبني أنا من نظرة يا دوب.. أول ما عيني جت في عينيه".