كشف النجم عمرو سعد، عن انطباع الشعب الروسي وانبهارهم باحتفالية نقل المومياوات الملكية وبالحضارة المصرية.

ونشر عمرو سعد، صورة تجمعه بالمنتج محمد السعدي، عبر حسابه الرسمي على موقع التواصل  الاجتماعي «فيس بوك»، وكتب معلقًا: "أنا حاليا في موسكو عندي تصوير، واحد من الروس اللي شغالين معايا قاللي إن اولاده وأصدقاءهم سافرو مصر لما شافوا جزء من احتفالية نقل المومياوات الملكية".

وأضاف " وقعد يحكي قدي ايه حصل ليهم سحر وانبهار بمصر لقيت نفسي طلعت الموبايل وفتحت ملف صور خاص عندي عن مصر فيه 90 صورة جميلة، لقيت الراجل مذهول وقال مصر بلد كبير وعظيم"

وتابع "أنا بقي جه علي بالي الراجل الرائع المخلص محمد السعدي، واللي بيقدم أجمل وأبهى صورة عن مصر، واللي قدر يحقق اللي ملاييين من الشباب بيحلموا بيه وهو إن الناس بره مصر تعرف مصر الحلوة وتحس بقيمة وعظمة الناس والارض والمكان علشان تاخد المكانة اللي تستحقها".

وقال أيضا "أنا شوفت محمد السعدي قد إيه بيشتغل هو وكل التيم بتاعة بجهد رهيب وشياكة، علشان مصر مش صحراء وهرم وجمل وعشوائيات، مصر حضارة وتاريخ وشياكة وكرم وتنوع وشمس ومناخ وناس طيبين بيعشقوا الغريب، مصر مكان ومكانةوكرامة، تراث مافيش زيه في العالم وحاضر بيتطور بدراع الناس الجدعان الوطنيين والمخلصين  .. شكرا محمد السعدي".

وانتهى عمرو سعد  من تصوير مسلسل "الجسر" مع النجمة نيللى كريم، ويضم 6 حلقات، وهو من تأليف وإخراج بيتر ميمى، ويشارك فى بطولته كل من محمد علاء وخالد كمال وسارة الشامى ، جمايكا، عصام عمر، وتدور أحداث العمل فى إطار الفانتازيا، حول ما وصل إليه البشر بعد انتهاء الحياة على كوكب الأرض.