كشف الفنان تامر حسني، عن مشهد كان يحلم أن يحدث في حياته، وهو أمنيته بأن يكون شخصًا مشهورًا.
ونشر تامر مقطع فيديو له، عبر "إنستجرام"، وهو يدخل لإحياء حفل غنائي، وكان يصافح الجمهور، وعلّق قائلًا: "المشهد دا كان أكتر مشهد بحلم بيه من وأنا صغير تقريبًا كنت بشوفه كل شهر بأشكال مختلفة وكنت بسأل نفسي طب يا رب أنا هتشهر بالشكل دا والناس هتحبني كدا في أي مجال، عشان ساعتها كنت بلعب كرة، بس كان عندي إصابات كتير، بدري على سني ومشكلات مع بعض المدربين اللي مقتنع بيا واللي مش مقتنع بيا، فبيخليني احتياطي موسم كامل ودا شيء محبط لأني كنت مصنف لاعبًا مهاريًا".
وأضاف: "الموضوع دا اتكرر معايا في الزمالك والأهلي، والاتنين استغنوا عن خدماتي يعني زي ما تقولوا كدا في ظروف كانت بتتجمع عشان أفهم إن الكورة مش مستقبلي رغم تعلقي بيها الجنوني، بس أتاري ربنا كان كاتبلي مستقبل تاني وأفضل ليا بس عرفت دا لما دورت جوه نفسي بجد بمساعدة أو معجب ليا أول fan في حياتي والوحيد اللي كان مصدقني، هي أمي".
وختم: "مهم أوي إنك تدور جوه نفسك عشان لازم هتلاقي ربنا مخلقكش فاضي وأتمنى من الأهل إنهم يركزوا مع ولادهم في أصغر سن ليهم و يفضلوا دايمًا يكلموهم عن الحلم والطموح والنجاح، بكتب الكلام دا وواثق مليون في المية إن فيكم حد محتاج يسمعه وكان مستنيه.. الإشارة جت أهي مالكش أو ملكيش حجة".
View this post on Instagram
A post shared by Tamer Hosny (@tamerhosny)