ضجت مواقع التواصل الاجتماعي، خلال الساعات الماضية، بأحاديث رواد السوشيال ميديا، حول قضية المُعلّمة التي ظهرت في مقطع فيديو وهي ترقص في مركب على النيل.
الأذى التي تعرّضت إليه معلمة المنصورة، دفع الفنانة بدرية طلبة للدفاع عنها، وكتبت عبر "فيسبوك": "الناس اللي كبروا موضوع المُدرسة وكانوا سبب في خراب بيتها، منكم لله، دانتو لو كنتوا ظبطوها في بيت دعارة مكنتوش عملتوا كل اللي أنتوا عملتوه دا هى أجرمت في إيه؟؟، علشان طلعت رحلة مع زمايلها وفكت عن نفسها ورقصت وضحكت وهزرت؟؟؟ طب كويس والله!!".
وأضافت: "متنسوش بقى تحطوا قانون ممنوع أي مُدرسة تفرح أو ترقص في فرح بنتها أو ابنها عيب يا جماعة دي مُدرسة بردو وأي مُدرسة نفسها تعيش يوم حلو تداري وتستخبى علشان ميتعملش معاها الجلاشة!!! وإحنا ما شاء الله عندنا شوية ناس الأخلاق بتخر منهم!!!! دمرتوها الله يبتليكم باللي متقدروش عليه".
وكانت بدرية شاركت في رمضان الماضي بمسلسل "اللي مالوش كبير"، مع ياسمين عبدالعزيز، أحمد العوضي، خالد الصاوي، خالد سرحان، صبا الرافعي، عايدة رياض، فتوح أحمد، محمود ياسين، أحمد عبدالله محمود، محمود حافظ، هدى الإتربي، وبسنت النبراوي، تأليف عمرو محمود ياسين، وإخراج مصطفى فكري.