أجلت محكمة جنايات القاهرة المنعقدة بمجمع محاكم التجمع الخامس، إعادة محاكمة حنين حسام، لاتهامها بالاتجار فى البشر، بالقضية المعروفة إعلاميًا بـ«بفتيات التيك توك»، لجلسة 21 فبراير، لسماع شهادة الشهود.
واستمعت المحكمة لأقوال المتهمة بعد إيداعها قفص المحكمة مرتدية ملابس الحبس الاحتياطي البيضاء، وعقدت الجلسة برئاسة المستشار محمد أحمد الجندى رئيس المحكمة وعضوية المستشارين أيمن عبد الخالق ومحمد أحمد صبري.
وقالت المتهمة لهيئة المحكمة وهي في حالة انهيار وبكاء: «أنا ملبستش عريان زي مودة الأدهم، أنا قولت عايزة شباب وبنات وممنوع أى ألفاظ خارجة، مستقبلى بيضيع وأنا قاعدة فى مستنقع، ارحموني.. والشركة اللى طلبت منى اعمل ليها إعلان ليها بنر كبير على الطريق وأنا جاية على المحكمة، وأنا بقالى 17 شهر محرومة من أمى وأبويا ومن جامعتى .. كل يوم بموت 100 مرة، مش عاوزة غير رحمة ربنا ورحمتك».
وطلب دفاع حنين حسام، بضم بعض شهادات رجال الأمن فى قضية التحريض على الفسق والفجور والتى قضت فيها محكمة جنح مستأنف الاقتصادية ببراءتها من التهم المنسوبة إليها.