كشفت أسما شريف منير نجلة الفنان شريف منير، عن إعجابها الشديد بمسلسل «البحث عن علا» الذي تم طرحه قبل أيام عبر المنصة الإلكترونية «نتفيليكس»، حيث يناقش العمل قضية هامة لدى المرأة، وهي ما بعد الانفصال عن شريك حياتها، والمشكلات التي تواجهها، كما تقدمت بالشكر لفريق العمل.

ونشرت أسما شريف منير عبر صفحتها الرسمية بموقع تبادل الصور والفيديوهات «إنستجرام»، بعض الصور والفيديوهات من المسلسل، والتي تتشابه كثيرًا لقطاتها مع أجزاء من حياة أسما، وعلقت عليها قائلة: «كتير اتكلموا في تجربة الست بعد الطلاق، أنا شخصيًا كتبت كتاب عن الموضوع بس مشفتش حاجة حقيقية قد العمل ده.. أنا عمري ما نزلت بوست على أي عمل عندي.. بس حقيقي لازم أشكر كل شخص اشتغل عشان يطلع حاجة بالجمال ده».

وأضافت: «تقييمي ليه مش من ناحية فنية وزاوية كاميرا ولا تنسيق ملابس.. ولا أي حاجة من دي، مع أن كل حاجة منهم معمولة بإتقان.. أنا تقييمي ليه هو إحساسي كـ ست عدت بكل تفصيلة وكأنهم بيحكوا حكايتي.. كأنهم دخلوا جوايا وترجموا مشاعري».

وتابعت: «شفت كل تحدي عديت بيه وكل مرحلة دخلت واتخبط فيها.. عبروا عن حاجات مكنتش عارفة أوصفها.. ولما شفت أنا عديت بأيه أخدت كم طاقة وكأني أول مرة أعرف حجم اللي عديت بيه فثقتي في نفسي رجعتلي أقوى من الأول.. عشان كنت ملهية في أحداث الدنيا بس لما شفتها قدامي عرفت حجم قوتي.. بشكرك يا هند صبري وسوسن بدر وهادي الباجوري.. وكل شخص اشتغل في عمل متكامل جامد زي ده لازم تتفرجوا عليه».

 

 

 

 

View this post on Instagram

 

 

 

 

 

 

 

 

 

 

 

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)