أهدت الشركة المتحدة للخدمات الإعلامية، منتخب مصر أغنية بعنوان "شكرا على كل تعبكم".
الأغنية من كلمات أحمد حسن راؤول، وألحان أدهم دهيمه، توزيع ومكساج إلهامي دهيمة وأحمد حسام.
تقول كلمات الأغنية:
"شكرا على كل تعبكم وماتبكوش ارفعوا راسكم كملوا أحلامنا الجاية كلنا عارفين إخلاصكم.. دايسين بتهدوا في صخر.. حاسين بيكم بالفخر.. لسه اللي هييجي بتاعكم.. على كتفكم أحلام مصر.. كيروش قبطان الفرقة وصلاح قائد أسطورة.. الحضري وسر الصنعة سلمها لجبل الكورة.. ونش ومنعم وحجازي سد منيع سد فولاذي.. فتوح واللمسة الحلوة بيكمل أجمل صورة.. حمدي سولية مع النني رجالة نص الملعب، زيزو معلم من لمسة كل اللي قصاده بيتعب وتريزيجيه ما بيبخلشي بيحارب لما بينزل، مصطفى وشريف مروان بكرة الدفاعات تزلزل.. شكرا على كل تعبكم وماتبكوش ارفعوا راسكم".
"بطل اللعبة يا شناوي سايب في قلوبنا علامة.. أكرم والقلب الجامد ترجعوا بألف سلامة.. أيمن وعمر وإمام أكبر من أي كلام، مهما بتصعب يا مهند هنشيل الكاس قدام.. رمضان صبحي ومرموش بالجهد مقصرتوش.. صبحي علاء جاد مروان تحتاجهم تلقى وحوش.. أنتوا عملتوا اللي عليكم إيدنا هتفضل في إيديكم..هنعوض بكرة بتاعنا والفرحة هتكمل بيكم".
وعادت أمس، بعثة المنتحب الوطني المصري الأول لكرة القدم، لمطار القاهرة الدولي، من العاصمة الكاميرونية، بعد تقديمهم لأداء بطولي خلال بطولة كأس الأمم الأفريقية.