واصلت أغنية «البخت» لمغني الراب ويجز، تصدر تريند «يوتيوب»، وتخطت حتى الساعات الأخيرة، أكثر من 3 ملايين مشاهدة، حيث وصلت إلى 3.25 مليون مشاهدة، عبر موقع الفيديوهات «يوتيوب»، وذلك في أقل من 48 ساعة منذ طرحه.
«البخت» من إنتاج موسيقى رحال، وتسجيل وتقنية وميكس نادر سليمان.
وتقول كلمات الأغنية:
«عيني منها بشكل جدي.. وتقيلة مش تقلانة اتبخر سحري..ومش باجي على بالها ومفكرتشي
أنا بالي فيها بابا بالي مش ملكي.. بلعب البخت سألتها ورفضتني..استغربتها أمال فين هيبتي
حبيبي أنا بضحك على خيبتي.. ياخي كنت على الثبات وهزتني
واللي فات دا كان سحري.. مش باجي على بالها إن جات سيرتي
أنا بالي معاها مش ملكي
قالت كلام قبل ما تشوفني.. عارفني صعب ومش مفهوم
كلامي دبش أو مش موزون أو بتحب حد والبال مشغول
مشوفتوهاش ولا حد يلومني.. ملاك بريء ولا أنا مخدوع
هي توتر ولا أنا مهزوز.. طب أذاها حد والكل مرفوض.. ولا إيه القصة حبيبي فيدني
واللي أذوك ياما حبيبي سيبني.. أخلي الجاي ورود وشموع.. يتغنالها وبصوت مسموع
ولا إيه القصة حبيبي فيدني.. واللي أذوك ياما حبيبي سيبني
انسيك ماضي كله دموع.. ولا مقدرش أسيبك موجوع
سحرتني ولا سحرتلي.. وعيون مش محتاجة تسحرلي.. مش عايزة تجيبني بس جابتني.. ونسيتني وفي قصتي حبستني
والله ووقعت بفكر فيك كتير بالي عليك مشغول.. وأنا بتصعب عليا حالي وأنا بكتبلك كلام معسول
بعيد عن عيني ويا عيني مع غيري، ومش مبسوط.. دا أنا أضيع عمري يا عمري وأحبك حب مش مشروط
لا تلاقي عندي وعود كدابة.. وكبرت على ولا شيء مضمون.. كلامي على قد اللي معايا ..في الحب مستناش مردود
براحة على قلبي المكسور.. اللي مشكلته أنه فيك مسحول.. مين اختار اللي عينيك عملوه.. وده مش ذنبي أنا صحيت محطوط
ولا إيه القصة حبيبي فيدني.. واللي أذوك ياما حبيبي سيبني.. أخلي الجاي ورود وشموع.. يتغنالها وبصوت مسموع
ولا إيه القصة حبيبي فيدني.. واللي أذوك ياما حبيبي سيبني.. انسيك ماضي كله دموع.. ولا مقدرش أسيبك موجوع»
وتسبب تراك «البخت» في جدل كبير بالساعات الماضية، حيث أشار العديد من جمهوره بأن هذا اللون الغنائي جديد على ويجز، وهو غناء الأعمال العاطفية، ولفت آخرون إلى أنه إهداء للفنانة هدى المفتي، وأن هناك علاقة عاطفية تجمع بينهما، إلا أن بعض رواد التواصل الاجتماعي قالوا إن علاقة عاطفية تجمعه بنورهان عيسى، صديقة الأخيرة، والتي تعمل بمجال الأزياء والموضة.
وأعلن ويجز، أول أمس السبت، عبر صفحته الرسمية بموقع تبادل الصور والفيديوهات «إنستجرام»، عن طرحه لأحدث كليباته الغنائية «البخت»، ونشر صورة الإعلان الترويجي الرسمي للفيديو كليب، وعلق عليه قائلًا: «البخت الآن».