أعرب الفنان حسام داغر عن غضبه الشديد من دوره في الجزء الثالث من مسلسل "اللعبة"، ومؤكدًا عدم سعادته بالدور، على عكس الجزأين السابقين.
وأضاف داغر أنه تعاقد على الدور ليكون امتدادًا لنجاح الشخصية نفسها من قبل، لافتًا إلى أن هناك بعض المشاهد التي تم حذفها.
ونشر حسام داغر عبر صفحته الرسمية بموقع التواصل الاجتماعي "فيسبوك" صورة الإعلان الترويجي لشخصية "رجب"، وعلق عليها قائلًا: "أنا بحب شيكو جدًا.. وبحب كاست اللعبة كله بشكل عام.. بس أنا مش مبسوط من دور رجب معاهم الجزء ده.. بسبب أنه كان امتدادًا لدوره في الجزء التاني".
وأضاف حسام داغر: "ووافقت على الجزء الجديد على كلام ووعد من المجموعة إن دور رجب مكمل بسبب النجاح اللي حققته الشخصية قبل كده وأنا صدقت ودخلت التصوير على أساس ده.. وكان معانا عدد حلقات قليل.. لكن لقيت النتيجة أن بسبب مشاكل إنتاجية الدور متشال وتواصلت مع المؤلف وفريق الكتابة وقولت لهم بالنص لو أعرف مكنتش دخلت تصوير من الأول".
واختتم حسام داغر منشوره قائلًا: "لكن أنا مش زعلان لأن الحمد لله.. الناس عارفين شغلي عامل إزاي قبل كده وفي نفس الوقت أنا كنت متحمس لما شيكو قالي أنت أحلى حاجة حصلت معايا في الجزء اللي فات.. أنا حبيت بس أشارككم اللي حصل خصوصًا إن دي أول مرة تحصل معايا.. لكن لسه الواحد بيتعلم وهيفضل يتعلم".
وجدير بالذكر أن مسلسل "اللعبة 3" تم طرحه منذ أيام على المنصة الإلكترونية "شاهد"، ويعرض يوميًا، وهو من بطولة شيكو، وهشام ماجد، وميرنا جميل، ومي كساب، وعارفة عبد الرسول، وسامي مغاوري، ومحمد ثروت وغيرهم.