كشفت الفنانة ميرهان حسين، عن أحب الصور لها، وهي صورتها من أمام الحرم المكي أثناء أدائها العمرة، لافتة لترددها الكبير في الكشف عن هذه الصورة.

ونشرت ميرهان حسين عبر صفحتها الرسمية بموقع تبادل الصور والفيديوهات «إنستجرام»، صورة لها من أمام الحرم المكي، وعلقت عليها قائلة: «مع إن الصورة دي من أحب صوري لقلبي.. اترددت أنزلها.. أولًا خفت دا يأثر على ثواب حاجة بيني وبين رب العالمين.. ثانيًا عارفة إن في ناس سطحية كتير هايكتبوا كومنتات كلها إيه يا طاهرة.. إيه يا ست الشيخة.. ويعملوا فيها أنهم ما بيغلطوش أبدًا وجايين يحكموا على ناس زيهم أحكام هبلة وخلاص.. وهما ما يعرفوش اللي بينك وبين ربنا ولا عمرهم هايعرفوه».

وأضافت ميرهان حسين: «بس قولت لا.. مش هامشي ورا الفكر دا وهانزل صورتي اللي بحبها عشان في ذكرى وجودي في أطهر بقاع الأرض.. وأنا ضيفة في بيت الله الحرام.. وبحتفل فيها بنعمة من أكبر النعم هي نعمة إن ليا رب عظيم.. اسمه الكريم.. اللي ممكن أطلب منه أي شيء ومفيش حاجة كبيرة عليه.. إنما أمره إذا أراد شيء أن يقول له كن فيكون».

وتابعت ميرهان حسين: «نعمة وجود ربنا في حياتنا أكبر من كل النعم.. أنا حقيقي معرفش إزاي في ناس بتلحد وتنكر وجود ربنا والعياذ بالله، وفي منهم أصحاب ليا وناس بقابلهم، ومع حبي ليهم بس بقولهم فايتكوا أعظم حاجة في الوجود.. أن يبقا ليك رب قادر على تحقيق كل اللي يتمناه قلبك ويسرح فيه خيالك.. رب أكبر من كل كبير.. هو الأمان في الدنيا دي وكل من عليها فان».

 

 

 

 

View this post on Instagram

 

 

 

 

 

 

 

 

 

 

 

A post shared by Mirhan Hussein (@mirhanhusseinmima)