كشف الفنان خالد عبد السلام عن معاناته لتلقيه خبر وفاة والدته أثناء تواجده في "دبي"، لافتًا أنه ترك مصالحه هناك، وعاد من أجل تلقي العزاء، وأكد على أنه يفتقد مرافقتها له في الرحلة.
ونشر عبد السلام، عبر صفحته الرسمية بموقع التواصل الاجتماعي "فيسبوك" قائلًا: "لما كنت جاي من القاهرة فضلت أكلمها فيديو أكتر من ساعتين كلهم ضحك من قلب القلب كالعادة ودعوات كتيرة لحد ما الطيارة طلعت ودي عادتي معاها في كل خطوات حياتي هي معايا دايمًا".
وأضاف: "ودلوقتي أنا في مطار دبي لوحدي يعلم الله حالي.. سيبت كل حاجة وراجع أودعها.. استنيني شوية يا ماما.. ما كنتش أعرف إن الموضوع حيبقى صعب للدرجة دي.. اللهم إني استعين بك على ما أنا فيه.. الله يرحمك يا أم خالد".
وكان الفنان خالد عبد السلام أعلن في الساعات الأولى من صباح اليوم عن وفاة والدته، وأكد حزنه الشديد لهذا الخبر المؤلم، ونشر عبر صفحته الرسمية قائلًا: "الإحساس اللي بمر بيه دلوقتي مفيش حد في العالم يقدر يوصفه.. أمي اللي هي الحياة كلها بالنسبة لي ترحل فجأة وأنا في بلد آخر يا رب أسألك الرحمة بها وبي يا رب".