وجه الفنان رامي وحيد رسالة شكر، إلى كل فريق عمل مسلسل "المماليك"، والذي عرض أخيرًا على شاشة قناة "النهار"، مشيرًا إلى أنه سعيد بالنجاح الذي حققه بشخصة على فهمي في العمل، لافتًا إلى أنه تعد نقلة مهمه في مسيرته الفنية.

ونشر رامي وحيد، عدة صور من كواليس مسلسل "المماليك"، عبر حسابه على موقع "إنستجرام"، وعلق قائلًا: "بعد نهاية المسلسل أحب أقول ن شخصية علي فهمي من مسلسل المماليك كانت نقله مهمه ليا في مشواري بشكر كل اللي كان ليهم دور في خروج التجربة اللي ربنا كرمنا فيها كرم كبير بحب الناس ليها ونجاحها بالشكل دا، من أول ترشيحي للدور من المخرج حازم فوده اللي بيشيل علي كتفه أمانة وحق كل واحد اشتغل في المسلسل كنت قد الأمانه وبشكرك على ثقتك فيا في الدور الصعب الجديد عليا اللي فيه كل الأبعاد دي ويارب أكون كنت قد الثقه دي في أول تجربة دراما ليك".

 

 

 

 

View this post on Instagram

 

 

 

 

 

 

 

 

 

 

 

A post shared by Rami Wahid (@rami_wahid1)

وأضاف وحيد: "والمؤلف هشام هلال المبدع الموهوب واحد من أهم العناصر اللي شدتني للمسلسل وبداية نجاحنا كلنا ألف شكر على العظمه دي، للمنتجين اللي تحدوا ظروف صعبه على مستويات كتير ايهاب منير وشركاه ألف ألف شكر على المستوى دا للصورة المحترفة اللي اتعامل مع كل ادواته بمعلمه احمد الفاره، والديكور كامبا العالمي والمنتج الفني المحترف اللي اتحمل كل المشاكل خلال العقد أحمد زكي".

وتابع: "الستايلست علا علي، اللي عملتلي شكل جديد عليا جدًا أول مره أظهر بيه شكرًا على مجهودك الجبار وذوقك الحلو أوي، لكل الزملاء الممثلين اللي استمتعت بالشغل قدامهم الفنان الموهوب التلقائي ابن الأصول محمد لطفي، النجمه رانيا يوسف تاني قصة حب لينا وعقبال نجاحات كتير مع بعض، فيدرا المجتهده اللي استمتعت بأول مره نشتغل فيها مع بعض واتمني تتكرر، والقمر عائشة اللي من أحلي المشاهد اللي اتقابلنا فيها، وصديقي المتعدد المواهب اللي عامل دور حلو أوي رامي غيط".

واختتم: "ونانسي صلاح الخطيرة، والأسطورة بيومي فؤاد اللي للأسف ما اتقابلناش حتى في التتر، والرايق محمد سليمان صديقي المحترف، وعمر حسن يوسف الجامد السهل الممتنع احسنتم جميعا واتشرفت جدًا بالشغل معاكوا والفرحه الكبيرة بنجاح المسلسل على مستوى الجمهور نسيتني أي تعب يارب دايمًا أكون عن حسن ظن الجمهور والزملاء وأهلي وأصدقائي".

"المماليك" من بطولة رانيا يوسف، بيومي فؤاد، نانسي صلاح، فرح، محمد لطفي، رامي وحيد، محمد سليمان، حنان سليمان، دوللي شاهين، محمود عامر، كريم الأبنودي، رامي غيط، وتأليف هشام هلال، وإخراج حازم فودة.