وجه الشاعر الغنائي تامر حسين، رسالة إلى الفنان رامي صبري، وذلك عقب انتهاء الخلاف الذي بينهما، مشيرًا إلى أن الأخير سأله عن ما إذا كان اعتبره صديق أو أن كل ما يجمعهما هو العمل فقط، لافتًا إلى أنه قرر أن يجاوب على ذلك السؤال  في منشور من خلال صفحته الشخصية "فيسبوك".

وكتب تامر حسين عبر حسابه على موقع التواصل الاجتماعي "فيسبوك": "إمبارح قالي بعد الخلاف اللي كان بينا! انت بتعتبرني صديق وإحنا اصحاب والا معرفه شُغل بس؟.. وبيتكلم جد والله.. ف أجاوبه أون لاين.. بعشرتنا اللى مِن 2009.. يشهد ربنا ع اللي في قلبي ليك.. وع اللي ف قلبي لكل الناس اللي عاشرتهم".

وتابع حسين: "وغلطوا في حقي وسامحتهم حتى لو قاطع علاقتى بيهم إني ما شايل أي حاجه في قلبي حاجه.. وحشه أو سيئة لحد أبداً وعمري.. ما رديت ولا عملت مشكلة مع حد (إلا) لو حاجه تمس كرامتي.. وإسمي وسُمعتي المهنية والشخصية فقط لا غير.. وأنت يا رامي (أخويا وصديق وصاحب)".

وأضاف: "بعيداً عن الفن ومشاكله وصراعاته اللي مبحبهاش ولا بحب اتحط فيها تماماً وبزعل جداً لما يعدي وقت انها كانت اون لاين أو في العلن بس ببقى مُضطر أرد وأدافع عن نفسي ودي سخافه المشاكل اللي بتكون اون لاين.. وأنت عارف.. احنا بينا كام (موقف مُحترم) وكان في جدعنه ووقفة رجاله".

واختتم: "أجمع الحلو اللي مواقفي معاك كله.. وإطرح مِنه اللي زعلك وزعلني وانت تشوف.. حقيقة اللي بينا وربنا مايجيب زعل أبداً وأنا عارف اني زي كريم حبيبي الله يرحمه أخوك الصغير وحبيبك.. وياما زعلنا وقفشنا وإتخانقنا وإختلافنا ولسه هنختلِف.. وعازمك ع الفطار (يوم السبت) إجباري.. وشكراً كده للي سابنا".