انتقد الكاتب أيمن بهجت قمر أحد النقاد بضراوة على صفحته الخاصة على الفيس بوك بسبب فيلم "عنتر ابن ابن ابن شداد" الذي كتبه للنجم الكوميدي محمد هنيدي فكتب:
اللهم رد كيدهم في نحورهم ...
لما تستغل قلمك عشان تبرد نار حقد وغل جواك أو عشان تسعى إنك تضر حد في أكل عيشه اعرف إن ربنا هيقلبها عليك ..
أنا بتعب بقالي سنين والحمد لله ليا رصيد
لا خدعني نجاح ولا كسرني فشل ولا أنا أول واحد له أعمال بتنجح ولا آخر واحد له أعمال بتفشل
الناقد المحترم معروف والعاطل اللي ضاع عمره عشان مشغول بالناجحين هيفضل نكرة وهيفضل كل يوم وهو داخل سريره يقول أنا مين أنا عملت إيه في حياتي غير إني شتمت ده وغليت على ده ويتباهى بخناقه في بوست مع نجم ولما بيدخل مكان أو بيمشي في الشارع بيعرف حجمه الحقيقي وسط الصحفيين والنقاد المعروفين ..
أيها الحاقد الفاشل أنت مجرد بربور أو بلغم أخضر في منديل مكانك الزبالة وكتاباتك مش هتلاقي اللي يلفها حتى في كوز بطاطا :) التاريخ هيتكلم علينا احنا مش عليك أنت أكيد لأنك غير مؤثر وقلمك مليان كراهية وحقد .. يللا مستني مقالتك الجاية ومتوقعها
ووحياة ولادي بقراها وبضحك ..