انتقد الإعلامي أحمد شوبير إدارة النادي الأهلي، بعد مواصلة مسلسل فقدان النقاط في بطولة الدوري المصري، عقب الخسارة أمام سموحة، ومن ثم التعادل أمام الجونة.

وقال شوبير في تصريحات عبر برنامجه الإذاعي: "الأهلي قال للمدرب مش هحاسبك على الشهرين دول ولكن هما فيهم 3 بطولات".

وأوضح :"سياسة الأهلي في اللاعبين كل شوية هات من برا هات، لكن اللي يفرق فعلا وينورلك الدنيا، لكن بص جوه شوية مش هنفضل نقول عيال صغيرة، هو لازم اللاعب يمشي على عكاز عشان أديله الفرصة.. احسب حساباتك عايز بطولة ليها مواصفات".

وأكمل: "تجيب بواليا تمشيه، وأزارو تمشيه، وبادجي تمشيه، أزارو مشي بعد ما حصل مشكلة مع المدرب، كان المفروض يكمل، وبادجي لعب بضع دقائق صغيرة جدا، وتخلص مع سفيان رحيمي والمدرب يقول عايز ميكسيوني، حتى العين نفسها مش حلوة، وجايب مدرب هتشيله شيلة مش بتاعته الأسلوب نفسه والفكر لازم يتغير".