هنأ المؤلف عمر طاهر، الفنان محمد فؤاد بعيد ميلاده الـ60، وأكد أنه صاحب تجربة فريدة ومتجددة، لافتًا أنه مغامر، ويتمتع بالجرأة.
وكتب عمر طاهر عبر صفحته الرسمية بموقع التواصل الاجتماعي "فيسبوك": "بمناسبة وصول محمد فؤاد لسن 60.. أعتقد دي مناسبة لزملائنا نقاد المزيكا الشاطرين أنهم ينصفوا تجربة فؤاد وهي فعلا متعبة كلام وأفكار.. سيب آخر كام عمل وهاته من الأول هتلاقيه في منطقته كان مغامر ومجدد وجرىء أكتر من منافسه الأشهر".
وأضاف عمر طاهر: "هو أول اللي اشتغلوا مع عصام عبدالله.. ياسر عبد الرحمن.. فهد.. مدحت الخولي.. أحمد منيب.. مودي الإمام.. هو اللي قدم وليد سعد.. محمد رحيم.. مصطفى عوض.. عزيز الشافعي.. تامر عاشور".
وتابع: "بقى فاصل إذاعة الأغاني المصرية هو وماحدش غيره من جيله.. مواضيع أغانيه ماوقفتش في حتة واحدة.. فيلمين مع مخرج كبير زي خيري بشارة وفيلم غير خريطة السينما مع هنيدي.. طلع من الفلكلور غنا وقدم تترات بقاعري اشتغل معاه بعدين.. الوحيد في جيله اللي خاض تجربة جريئة ألبوم كامل مع أحمد الحجار.. إزاي صوته وهو بيقول يا ليت تفصيلة في إسماع الناس.. طبيعة نظرة الناس ليه وشكل الحتة اللي سكنوه فيها".
واستطرد: "تجربة مليانة كلام وكتابة وحاجات يتقدر تعبه فيها وحاجات فكت منه طبعا زي أي حد.. بس إجمالا تجربة تستحق التقدير وتستحق إنها تتحط في مكانها بالضبط و إن حد ينتشلها من منطقة اللطافة والقلش وكام عمل مش قد كدة مايلغوش اللي الراجل أنجزه بالفعل.. كل سنة و انت طيب يا فؤش".