احتل الملحن عمرو مصطفى مكانة في مؤشرات البحث بـ"جوجل" بعد هجومه على أحد النجوم الكبار، وأشار البعض إلى أنه يقصد الفنان عمرو دياب، ولكنه حرص على عدم ذكر اسمه، وأطلق عليه اسم "جدو".
وكتب مصطفى، عبر "فيسبوك": "رسالة لجدو، هتبعت ناس ولجان تشتم على الصفحة، ولا هيهز شعرة مني فلوس بترميها في الأرض، هتبعت ناس تقول صوته وحش ملكش دعوة أنا هغني وصوتي وحش، هتروح تخلي ناس تسرب الأغاني هطلع أفضحك، وساعتها هتكون نهايتك بجد".
وأضاف: "هتجيب عيال بفلوس تعمل فيديوهات إن الأغاني وحشة، هتنجح غصب عنك لأنها من القلب، هتقول فين المشاهدات، هقولك ملكش دعوة، أنا بعمل الأغاني لنفسي، ومش هدفع فلوس زيك يا جدو، علشان الناس تشوفني، 100000 على فيسبوك بشرف، أحسن من ملايين مزيفين يا جدو، وفي الآخر اتقل علشان الجاي صعب، نسيت أنك بعت ناس للموزعين اللي بشتغل معاهم في الخارج، علشان أنت قلودة قوي، بس لما تنزل معاهم هفضحك عادي".
وطرح الفنان عمرو مصطفى أولى أغنيات ألبومه الجديد "غيرك مين"، التي تحمل اسم "إلا أنا"، من ألحانه وكلمات مصطفى إسماعيل، وميكساج رون تايلور، وماستر كارل.