نفت الفنانة حلا شيحة ما تداوله البعض بشأن انفضالها عن زوجها الداعية معز مسعود.

 وأكدت شيحة، عبر صفحتها الرسمية بموقع تبادل الصور والفيديوهات "إنستجرام"، أن زوجها يتمتع بقدر كبير من الاحترام والأخلاق، لافتة إلى أن هناك أزمات أكبر يجب أن يتطرق لها المجتمع.

 وعن انتقاد البعض لطريقة ارتدائها الحجاب، وإظهار بعض خصيلات الشعر منه أكدت أنها ليست "شيخة" على حد وصفها.

ونشرت حلا شيحة  صورة لها، وعلقت عليها: "لكل المتابعين على صفحتي والوطن العربي.. حابة أقولكم مفيش أي خبر اتكتب عن معز وعني يخص الطلاق صحيح وكلامي في البوست اللي فات كان كلام عام ولم أقصد به حد معين أبدًا".

وأضافت: "ومعز بعيد عن الكلام ده تمامًا بالعكس هو سبب كبير لحاجات جميلة في حياتي وحياة أولادي ومشفتش كتير زي أخلاقه واحترامه وعيب الكلام اللي بيتقال عن صفحات السوشيال ميديا كله مش صح أبدًا.. والله في مشاكل أكبر بكتير وحاجات أهم بكتير ممكن نتكلم فيها.. وأنا على صفحتي بحب أشارك جمهوري ساعات بمعاني بحسها وبحسهم زيي.. وبحب أتواصل معاهم وأبقى موجودة معاهم مش أكتر من كده".

وتابعت حلا شيحة: "بالنسبة لحجابي أنا قلت بحاول زيي زي بنات كتير وأكيد مش أحسن حاجة بس أنا كده دلوقتي والحمدلله.. وأنا مش شيخة أنا إنسانة عادية جدًا ليا حسناتي وليا سيئاتي.. والبشر كلهم كده فبلاش حد يزايد على حد وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض.. إحنا بشر مش ملايكة.. يلا انا مسامحة الكل معلش بشر بردو.. تصبحوا على خير".

 

 

 

 

View this post on Instagram

 

 

 

 

 

 

 

 

 

 

 

A post shared by Hala Shiha (@halashihanew)

وتسببت حلا شيحة في جدل كبير بالساعات الماضية، وذلك بعد تداول أنباء بشأن انفصالها وخلعها الحجاب.