أشاد الفنان محمد ممدوح بمسلسل "وش وضهر"، والذي عرض مؤخرًا عبر إحدى المنصات الإلكترونية، وأكد على إعجابه الشديد به، وسعادته على المشاركة فيه.

ونشر محمد ممدوح عبر صفحته الرسمية بموقع تبادل الصور والفيديوهات "إنستجرام" صورة الإعلان الرسمي للمسلسل، وعلق عليها قائلًا: "اللي عارفني عارف إن مش من عادتي اتفرج على عمل فني أنا شاركت فيه بس مسلسل وش وضهر أبهرني وعرفت بالصدفة إني مشارك في عمل بالعظمة والجمال ده.. عشان كدا ده ممكن يخلي شهادتي في الموضوع ده مجروحة شوية للأسف بس هقولها برضه".

وأضاف: "مش عارف الصراحة أوصف العظمة اللي عملتها مريم أبو عوف ازاي.. ده غير أنها من الناس اللي ساهمت بعد ربنا في وجودي في الوسط الفني طبعا من خلال دعمها الكبير وإيمانها بيا في واحد من أهم الأعمال اللي شاركت فيها في حياتي فيلم بيبو وبشير".

وتابع: "شكرًا يا مريم على مسلسل وش وضهر.. شكرًا إياد نصار وريهام عبد الغفور على الاتقان الاستثنائي للأدوار.. شكرا ثراء جبيل وإسلام ابراهيم وشريف دسوقي وفدوى عابد ومحمود قابيل.. الناس كلها في المسلسل ده خطيرة وشاطرة بشكل مش طبيعي حتى الشباب اللي داخل يعمل أدوار صغيرة كلهم شاطرين جدا.. وعايز أشكر كمان مديرين التصوير نانسي وجبر الصورة مش طبيعية يا جماعة وريم العدل عاملة ملحمة حقيقة بلبس وستايل الشخصيات.. شكرًا عبدالله ابو الفتوح واحمد يوسف ومحمد سيد".
واستطرد: "شكرًا فريق العمل بالكامل ورا وقدام الكاميرا على العمل الاستثنائي ده وشكرا ورشة سرد ومريم ناعوم.. وأنصحكم تشوفوا العمل ده بجد مش تسويق ولا حاجة".
ومسلسل "وش وضهر" من بطولة إياد نصار، وريهام عبد الغفور،  وثراء جبيل، وإسلام إبراهيم، وميمي جمال، ومن إخراج مريم أبو عوف.

 

 

 

 

View this post on Instagram

 

 

 

 

 

 

 

 

 

 

 

A post shared by Mohamed Mamdouh (@mohamedmamdouhofficial_)