تصدرت الفنانة هدي المفتي محركات البحث "جوجل" ، خلال الساعات الماضية، عقب تحدثها عن تعرضها إلي وعكة صحية بعد تعافيها من كورونا، مع الإعلامية مني الشاذلي، في برنامج معكم مني الشاذلي.

تحدثت هدي المفتي عن تفاصيل تعرضها إلى أزمة صحية قائلة:"رجعت من مهرجان الجونه متصابة بفيروس كورونا، وكانت لسه الكورونا في بداية الانتشار، وكنت من أول الناس اللي يجيلها في مصر ومكنتش عارفة إيه اللي يحصل ،مضيفة، طبعا مخدتش أدوية سيولة لما جالي الكورونا فجالي جلطة في الوريد اللي بيوصل الدم للأمعاء ومعرفتش، هو بس كنت بحس بأعراض معينة وبحس بحرقان غريب، وكنت فاكرة في حاجة في القلب عندي وعملت رسم قلب بس مطلعش في حاجة".

واستكملت هدى المفتي: "فى رأس السنة سافرت أنا وصديقتي لأسوان وفجأة تعبت تعب مش طبيعي وجع مؤلم، ورجعت القاهرة بطيارة بسرعة، وتبهدلت ولولا صحبتي كان حصلي حاجة وهي كانت تساعدني في كل حاجة،دخلت المستشفى في القاهرة والدكاترة مش عارفين أنا عندى إيه وعملت أشعة وكل حاجة ومش عارفين وبطنى بتتنفح ووجع وألم غير طبيعى، وقرروا يفتحوا بطنى ولما فتحوا طلع عندى جلطة في الوريد اللى بيوصل الدم للأمعاء، وبسبب إنه متعالجش عمل غرغرينة في جزء من الأمعاء، فقررا يستأصلوا الجزء ده، وكانت عملية كبيرة وفضلت فترة طويلة في العناية المركزة أكتر من شهر ومنعوا عنى الأكل والماء".

أما عن وصفات فتي أحلامها قالت:" مفيش مواصفات لـ فتى الأحلام، ولكن هناك صفات يجب أن تكون فى فتى أحلامي، وهى أن يكون شخص أخلاقي و روحه الجميلة،لا تهتم بشكل الشخص من الخارج، وأكدت أنها كان لها تجارب عاطفية، وكل شخص كانت تتعلق به يختلف عن الآخر، فى الشكل".