أعلن طارق العوضي، عضو لجنة العفو الرئاسي، تبني مبادرة حياة كريمة علاج الطفلة مريم، ابنة المحامية سالي الجباس التي تعاني من شلل دماغي وكيس في المخ، وفق توجيهات رئاسية.
وكتب "العوضي" عبر حسابه على موقع التواصل الاجتماعي فيسبوك: “الزميلة المحترمة سالي الجباس المحامية؛ أبلغك بأن رئاسة الجمهورية قد أصدرت توجيهاتها الآن إلى مبادرة حياة كريمة للقيام بكافة الإجراءات الطبية وإجراء الجراحة لطفلتنا الغالية مريم وسوف يتم التواصل معكم اليوم”.
وكانت المحامية سالي ناشدت أجهزة الدولة لعلاج ابنتها، موضحة أنها تعاني من شلل دماغى وكيس فى المخ، إضافة إلى كيس آخر على النخاع الشوكى يضغط على العمود الفقرى.
وأوضحت في منشور عبر حسابها على موقع فيسبوك: "بنتى عندها سنتين وشهرين حاليا.. أنا فى الموال ده من تانى شهر اتولدت فيه. بلف على دكاترة مخ وأعصاب وجراحين بالكوم. ده غير العلاج الطبيعي ودكتور التغذية، بنتى احتمال تحتاج عملية علشان تعرف تمشى والعملية مش سهلة ده هيبقى تكسير فى عظم الظهر علشان يوصل للكيس ويفضيه ويرجع يركب شرايح ومسامير بدل العظم اللى اتكسر ويا نجحت العملية يا قدر الله جلها شلل يعنى فى الحالتين مريم عندها إعاقة".
وتابعت: "لا عمرى طلبت جنيه من حد ولا استلفت جنيه من حد وماشية بقدرة الله.. قوية آه قوية بس كتومة شكرا لأصحاب القلوب الرحيمة اللى بيدعوا لمريم ولسالى واللى شمتان لك الله فقد فوضت أمرى لله عز وجل .. وكل واحد له طاقة لو أى حد فى مكانى ولوحده بطوله كان زمانه فى ذمة الله من زمان، فبلاش نزايد على بعض واللى ميعرفش يعنى إيه شلل دماغى يدخل يعمل سيرش على جوجل.. ربنا ما يورى حد اللى أنا فيه”.