تصدرت الفنانة الكبيرة شهيرة محركات البحث جوجل خلال الساعات الماضية ، عقب ظهورها مع الإعلامية ياسمين عز فى برنامج "كلام الناس" الذي يعرض على قناة ام بي سي مصر، و تحدثت عن علاقتها بزوجها الفنان الراحل محمود ياسين، وعن تفاصيل مرضه وحالتها النفسية وعن إمكانية العودة للتمثيل.

دار الهلال تعرض لكم في التقرير التالي أبرز تصريحات الفنانة شهيرة:-

-أنا كبرت في السن ولازم أتقبل ده ومش هرجع أمثل إلا لو حاجة واو.

-في حاجات مبقتش أقدر أعملها ولو كنت شابة كنت هقدر أتحمل الوحدة اللي عيشاها.
-بنادي على محمود ياسين كل يوم وبيرد عليا وباخد مهدئات عشان أتخطى ده.
-بفكر أروح لطبيب نفسي عشان محتاجة حد يسمعني.
-اعتزلت الفن لأنه شغلني عن ربنا والصلاة.
-محمود ياسين مطلبش مني أعتزل بالعكس هو مكنش يعرف وأتفاجئ بـ قراري.
-الراجل مهم إن يطمن شريكة حياته ويحسسها إنها أهم من أي واحدة.
-عمرو إبني قالي الدلع اللي كنتي بتدلعيه زمان مش هتلقيه دلوقتي.
-محمود ياسين ميتعوضش كزوج وكإنسان، كان حاجة رائعة ومتفرد ومجاش منه اتنين.
-كان حواليه بنات كتير.. وأنا اللي كنت بديله التليفون يكلم معجباته.
-مرة واحدة اتشعلقت في رقبة محمود ياسين وأنا واقفة وكانت بنات كتير تقوله إنها بتحبه.
-لو واحدة عازت تتجوزه كان يقولي "المقص اللي بتقصي بيه ضافر رجلك برقبتهم".
-منعت عنه الزيارة في مرضه عشان محمود ياسين لازم يبقى بكامل صحته قدام الكل.
- كنت مانعة حد يساعد أو يخدم محمود ياسين غيري، مع أن الوضع كان صعب بس ربنا كان مقويني وأنا بعتبر إن ربنا سخرني له.

قصة حب شهيرة ومحمود ياسين

قصة حب شهيرة ومحمود ياسين بدأت من أول نظرة أمام الكاميرا أثناء تصويرهم لفيلم "صور ممنوعة" عام 1972؛ ونشأت بينهما فى كواليس هذا الفيلم قصة الحب التي امتدت لمدة ستة أشهر،هى مدة تصوير الفيلم، وقبل نهاية تصوير الفيلم تمت خطبتهما، وبعدها بأشهر تزوجا.