رد السيناريست تامر حبيب على الهجوم الذي تعرض له بعد دفاعه عن الفنانة شيرين عبد الوهاب بعد تصريحاتها الأخيرة ضد الهضبة.
وقال تامر في تدوينة عبر حسابه بموقع التواصل الاجتماعي "فيسبوك": "من ساعة ما كتبت بوست بقول إني مش شايف إن شيرين عبد الوهاب غلطت خالص في دعابتها في قرطاج وهي على المسرح، وأنا بيجيلي رسايل من ناس بتشتمني والغريب إن كلهم بيقولولي يا حرامي السيناريوهات وكأنهم حافظين المصطلح سوا وكلهم برضه بيقولولي عمرو دياب سيدك أنت وشيرين".
وأضاف حبيب: "بحاول أكون مؤدب ومنقلش كلامهم وشتايمهم اللي هما قايلينها.. طيب هو أنا جبت سيرة عمرو دياب من قريب أو من بعيد؟".
وتابع قائلاً: "أنا شخصيًا بحب الراجل ومن جمهوره من قبل ما حضراتكم تتولدوا واللي يعرفني عارف كده كويس وأولهم عمرو دياب نفسه.. جميل إنكم تتحمقوا عشان خاطر نجمكم الكبير قوي، واللي هو أكيد أكبر وأكثر احترامًا من سبكم وألفاظكم النابية بس الأجمل أن يكون عندكم مخ وتمييز الأول".