«أنتوا هتبقوا شبه الكلاب الجربانة».. دعاء فاروق تهاجم تصريحات محمد عطية

هاجمت الإعلامية دعاء فاروق، فكرة زواج المساكنة، التي صرح بها الفنان محمد عطية في آخر لقاء له، عبر حسابها الشخصي بموقع التواصل الاجتماعى "الانستجرام".

ونشرت دعاء فاروق، فيديو لها، قائلة: "اعملوا مساكنة، وعيشوا مع بعض من غير زواج، ولا تدخلوا قانون ولا مجتمع ولا أهل ولا أصحاب ولا دين، عادي لما يسكر ويقوم خبطك على دماغك، إيه اللي دخَّل القانون، وممكن يسرقك؛ إيه إللي يدخل القانون والحاجات البلدي دي، بس هتحملي منه؛ إيه اللي هيدخل القانون، برضو لما يسيبك، أصله هيسيبك ويمشي، ويقولك: وأنا مالي، شيلتك شيليها لوحدك".

 

 

 

 

View this post on Instagram

 

 

 

 

 

 

 

 

 

 

 

A post shared by Doaa Farouk (@doaafarouk)

وأضافت دعاء فاروق: "يا تهربي، يا تنزِّلي الطفل، وتعيشي النقاهة لوحدك، إيه اللي يدخَّل المجتمع والحاجات دي، يا تروحوا ترموا الطفل في الزبالة، زي ما في ناس بتعمل كده، إيه علاقة الدين بالموضوع، أنتِ مسلمة؟، بتصلي وتصومي؟، ما تصلِّيش، بطلي صلاة، بتصومي في رمضان؟ بطلي تصومي، ربنا قال حرام، امشوا بدماغكم يا حبيبي؛ الحياة هتبقى ممتعة، وعارفين الكلاب الجربانة، أنتوا هتبقوا شبه الكلاب الجربانة".