خصصت الإعلامية مفيدة شيحة، في برنامجها الستات، المذاع عبر قناة النهار وان، مساء اليوم الثلاثاء، فقرة عن مشهد فرح سنية في مسلسل «لن أعيش في جلباب أبي»، حملت عنوان «وجوه مختلفة لفرح سنية». 

وخلال الفقرة قالت مفيدة شيحة، إن مسلسل لن أعيش في جلباب أبي، عرض في شهر رمضان عام 1416 هـ الموافق 21 يناير 1996م، وفي شهور الحظر سنة 2020.

وتابعت: «انتشر تريند فرح سنية بشكل ملفت على السوشيال ميديا، ودا اللي خلى المتابعين الأوفياء والمخلصين القدامى لمسلسل لن أعيش في جلباب أبي يندهشوا من إعجاب كل الناس بلا استثناء يذكر بالمسلسلات اللي اتريقوا علينا سنين لإخلاصنا للفرجة والإعادة كل مرة.. جمعنا لكم مجموعة من أظرف وأذكى التعليقات والبوستات». 

وأضافت مفيدة شيحة: «من ضمن البوستات وقتها كتبت الصحفية عاليا عبد الرؤوف، دلوقتي بقيتو مستنين حلقة عبد الغفور البرعي، وبقالنا ٢٤ سنة بنتفرج عليه مرة في السنة على الأقل، وكنتوا بتتريقوا علينا وتبوصولنا من فوق لتحت.. دلوقتي كلكوا قعدتوا استنيتوا فرح سنية!!  بعد الحظر ومسلسلات رمضان عرفتوا إن كان عندنا حق». 

وأكملت مقدمة برنامج الستات: «خلاص من النهاردة إحنا اللي هنعمل ترشيحات المشاهدة إحنا بتوع روتانا زمان وبانوراما دراما.. إحنا البريمو».