حل الفنان الشاب نور النبوي، أمس الجمعة، ضيفا على الإعلامية منى الشاذلي في برنامج معكم المذاع عبر فضائية cbc، في لقاء تحدث خلاله عن تفاصيل دخوله الوسط الفني وعلاقته بوالده وأعماله الفنية ودراسته، وتصدرت تصريحاته محركات البحث جوجل بعد ساعات من تحدثه.
نعرض لكم أبرز تصريحات نور النبوي في برنامج "معكم"
ـ مكنتش عايز اسمي يكون نور النبوي، وكان نفسي أبعد اسمي عن اسم خالد النبوي.
ـ اشتغلت في المسرح ببلاش عشان أتفرج على المسرح والأفلام.
ـ كنت بغني قبل مسلسل راجعين ياهوى وكان دايما صاحبي يقولي صوتك وحش.
ـ ولما غنيت قعدت في العربية وقفلتها وعليت الصوت وسمعته الأغنية عشان يعرف إني بغني.
- والدي كان رافض أني أنا وأخواتي ندخل في مجال التمثيل؛ لأن أي حد هيفتكر أني دخلت واسطة.
ـ مكنش ليا دور في مسلسل راجعين ياهوى، والمخرج محمد سلامة كلمني بيقولي في دور حد رفضه، ورجعت البيت لخالد النبوي وكان بيقول: مصيبة إن الراجل مشي وساب الدور، قولتله أنا المصيبة، فقالي: طيب ربنا معاك.
ـ مكنتش أعرف أن الناس هيحبوا دوري في مسلسل راجعين ياهوى.
ـ حبيت التمثيل بسبب مشاهدة فيلم أفريكانو وقفزة لأحمد السقا في الفيلم كانت سبب حبي للتمثيل.
ـ كنت متيم بالسينما وكنت أحيانا أشاهد 5 أفلام في اليوم، وأنزل السينما لوحدي أتفرج.
ـ مكنتش أتجرأ أني أطلب من خالد النبوي إنه يدخلني في دور؛ لأنه كان رافض من الأساس.