أعرب الفنان عمرو يوسف عن ساعدته بردود أفعال الجمهور حول مسلسله الجديد "وعد إبليس"، كما تحدث عنه مشيرًا إلى أن العمل  يناقش قضية إنسانية ولا يُصنف كمسلسل رعب.

وقال الفنان عمرو يوسف في تصريحات تلفزيونية له: "أنا أعتقد أن موضوع الشيطان رمزي أكتر من كونه الشيطان نفسه، يعني مثلًا لو قولنا إن فيه راجل عليه دين كبير والدين ده ممكن يدخل السجن، هل هيوافق إنه يرتشي؟ في الحالة دي بتكون الرشوة هي الشيطان، طبعًا المسلسل فيه جزء فانتازيا، إحنا مش بنعمل مسلسل رعب ولا أكشن ده مسلسل إنساني بحت، كما أن الجدل مش وحش، والموضوع ده لو كُنا دخلنا في تفاصيل تانية كان ممكن يحصل مشاكل، ولكن موضوع المسلسل إنساني مش بيتكلم عن إبليس، ولكن بيتكلم عن الاختبارات اللي بيتحط فيها الإنسان، لأن دايمًا مفيش حد عارف الاختبار الحقيقي هيجي أمتي"

وأوضح طبيعة شخصية "إبراهيم" الذي يلعبها في المسلسل قائلًا:" إبراهيم هو لحم ودم وبيخاف على بيته ومراته والهدية اللي ربنا إدهاله اللي هي الطفل، وكان عايز يمشي في سكة معينة وحصل اللي حصل وخدته في سكة تانية، وتصرفاته كانت غصب عنه ودي أولى عوارض إنه باع روحه للشيطان،و شخصيتي بالعمل من الأدوار اللي بتيجي للممثل علشان تستفزه، علشان يحاول يطلع شخصيتين في شخصية واحدة، الحقيقة بذلنا مجهور كبير، وظروف العمل مهيئة للتحضير الجيد جدًا، أنا عملت بروفات كتير أوي، ومخرج العمل من المخرجين اللي بيوجهوا الممثل وبيشتغلوا عليه"

يذكر أن مسلسل "وعد إبليس" تدور أحداث المسلسل حول  رجل أعمال ناجح يُدعى إبراهيم، تُصاب زوجته بمرض خطير ليس له علاج، فيلجأ إلى شخص أقنعه بأنه قادر على شفاء زوجته ولكن في المقابل يوقع عقد بيع روحه لإبليس بعد موته، ولكن سرعان ما ينقلب وعد أبيليس رأسًا على عقب وليبدأ بتحويل إبراهيم إلى رجل شرير خاضع لسيطرته ويدفعه لتنفيذ أجندته الشيطانية بعد منحه قوى خارقة.