لا تزال أغنية "دلوقتي عجبناكو" لبهاء سلطان، تتصدر تريند يوتيوب.

وطرحت شركة روتانا "دلوقتي عجبناكو"، عبر قناتها الرسمية على يوتيوب، وتخطت الـ2.5 مليون مشاهدة، خلال 6 أيام.

وأغنية "دلوقتي عجبناكو" كلمات منة القيعي، ألحان عزيز الشافعي، توزيع أحمد عادل.

وتقول كلمات اغنية دلوقتي عجبناكو

دلوقتي عجبناكوا ؟
ما كنا حلوين ومعاكوا !
فجأة الشوق آهو جابكوا
طب إيه كان مشّاكوا ؟
أيوة إحنا إحلوينا
لأ وكمان بقينا
صعب يخش علينا
كلمة ودمعتين
كنا زمان حاجة تانية
غلب وطيبة الدنيا
كنا بنيجي ف ثانية
كنتوا ساعتها فين
دلوقتي بقينا فلة
ده إنتوا كسرتوا ورانا قلة
ومشينا وسايبينها على الله
كدة فجأة وجعناكوا
عارفين أيوة قسينا
نشفنا ورانا رمينا
دنيا بنت لذينة
يوم سلف يوم دين
والله مش ندية
ولا عِند ولا أذية
أصل المواضيع ديا
خلصت من سنتين
دلوقتي إتقدرنا
ده إحنا ياما إتكدرنا
يلا قدركم وقدرنا
تيجوا بعد ما ننساكوا