قال الإعلامي مصطفى بكري، إن مصر لديها مميزات نسبية كثيرة، مشيرًا إلى أن قناة السويس حققت إيرادات وصلت 7 مليارات دولار.

وتابع بكري خلال برنامجه «حقائق وأسرار»، على قناة صدى البلد: «إحنا بلد بتعاني لكن صامدة مش هتقع، أوعوا تصدقوا الشعارات الكدابة، وأن حد قلبه على الشعب أكتر من أبنائه، والقائد اللي أنقذنا من الإخوان، الراجل ده عمره ما هيقف ضد الشعب»، مضيفًا «فيه بلد ومؤسسات دولة تُبنى، نحن أمام دولة تُبنى بشكل حقيقي».

وأردف مصطفى بكري «قرار تثبيت سعر الفائدة حاجة في مصلحة البلد، وعلينا التمسك بالبلد، لأن إذا ضاعت الدولة ضاع الشعب، البلد دي حجر الزاوية في المنطقة، مش هيجي شوية كدابين من برا ينشروا شائعات مغرضة عشان يولعوها»، مواصلًا: «تعبانين وبنعاني بس مستورة، مش مستعدين بلدنا تروح مننا عشان ملناش بلد تانية، عارفين فيه حاجات بنعاني منها، ورئيس الدولة عارف، صبرًا وهنوصل اللي إحنا عايزينه، ولما بنتكلم بنقول من القلب، محدش ليه مصلحة، بيطلعوا يقولوا بتطبلوا، إحنا بنبطل لبلدنا، البلد دي في رقبتنا ليوم الدين».