تخطت أغنية دلوقتي عجبناكو لبهاء سلطان، حاجز الـ4 ملايين مشاهدة بعد 3 أسابيع من طرحها عبر "يوتيوب". 

أغنية دلوقتي عجبناكو، كلمات منة القيعي، ألحان عزيز الشافعي، توزيع أحمد عادل، مكس ماهر صلاح، ماستر جلال حمداوي.

وتقول كلمات أغنية دلوقتى عجبناكو 
دلوقتي عجبناكو؟
ما كنا حلوين ومعاكوا
فجأة الشوق أهو جابكوا
طب إيه كان مشّاكوا؟
أيوة احنا احلوينا
لأ وكمان بقينا صعب يخش علينا
كلمة ودمعتين
كنا زمان حاجة تانية
غُلب وطيبة الدنيا
كنا بنيجي في ثانية
كنتوا ساعتها فين؟
دلوقتي بقينا فُلة ده إنتوا كسرتوا ورانا قُلة
ومشينا وسايبينها على الله
كدة فجأة وجعناكوا
عارفين أيوة قِسينا
نشفنا ورانا رمينا دنيا بنت لذينا
يوم سلف يوم دين
والله مش ندية ولا عِند ولا أذية
أصل المواضيع ديا خلصت من سنتين
دلوقتي إتقدرنا
ده احنا ياما إتكدرنا
يلا قدركم وقدرنا تيجوا بعد ما ننساكوا