شهد الرئيس عبد الفتاح السيسي اليوم حفل تخريج دفعة جديدة من طلاب الكليات العسكرية، بحضور عدد من رجال الدولة وأسر الطلاب والخريجين، كما شهد تسليم القيادة من دفعات الخريجين إلى الدفعات الجديدة لتستمر مسيرة العطاء والانضباط من دفعة إلى أخرى لتذهب أعلام الكليات العسكرية برفقة قياداتها الجديدة.
وقلد الرئيس عبد الفتاح السيسي، أوائل الخريجين بالكليات والمعاهد العسكرية نوط الواجب العسكري، خلال حفل تخرجهم اليوم.
وخلال كلمته اليوم أكد الرئيس السيسي أن الأمور الصعبة يتم التغلب عليها ووجه رسالة لخريجي الكليات والمعاهد العسكرية، بحفل تخرجهم اليوم، قائلا: "ربنا يوفقكم وافرحوا بتخرجكم بدأت المسؤولية تزيد عليكم وأنتوا أدها بالتعليم والتأهيل اللي حصلتوا عليه".
رسائل الرئيس السيسي
- الأمور دايما متغيرة ولكن إرادة الإنسان وقبل منها دعم ربنا ومشيئته كل الأمور حتى الصعبة يتم التغلب عليها.
- من سنتين كلنا كنا واقفين ولابسين علشان كورونا والناس كانت متصورة أنه اخر الدينا، لا مش اخر الدنيا ولا حاجة وانتهت بفضل الله سبحانه وتعالى.
- مبروك لأبنائنا الضباط وأتمنى لهم التوفيق في أول خطوة في حياتكم.. أنت لسه في أول خطوة.. خطوة رائعة وعظيمة في حياتك لكل الخريجين.
- ربنا يوفقكم وافرحوا بتخرجكم بدأت المسؤولية تزيد عليكم وأنتوا أدها بالتعليم والتأهيل اللي حصلتوا عليه.
- تخرجكم خطوة للأمام ربنا يحفظكم ويحفظ مصر في أمن وسلام.
- دور الجيش انه يحمي ويصون ويضحى لكي تبقى البلد دائما ثابتة مستقرة وآمنة سالمة.
- احنا بخير وواقفين على أرض صلبة ولا توجد امامنا تحديات مثل بلاد كثيرة بسبب الأمن والاستقرار الموجود في مصر.
- الجهد المبذول من قبل رجال الجيش والشرطة وكل مواطن على أرض مصر للحفاظ على الدولة المصرية يجعل هناك أملًا في الغد.
- الأزمة اللى إحنا موجودين فيها دلوقتي حتى لو كان ليها آثار صعبة علينا دلوقتى، لكن أزمة وهتنتهي بفضل الله سبحانه وتعالى.
- مفيش بلد هتتقدم فى الدنيا وتعبر مشاكلها إلا بالأمن والاستقرار.
- وبقول لكل المصريين الدنيا مش بتفضل على حالها، ودايما ربنا إيده الطيبة موجودة معانا كلنا ومع الدنيا كلها وإلا مكانتش أبدا استمرت.
- كل المصاعب بفضل الله سبحانه وتعالى هنعبرها واحنا بخير وفى خير.