دافعت الفنانة فريدة سيف النصر عن مسلسل «الضاحك الباكي»، وذلك بعد الهجوم الكبير الذى تعرض له صناع العمل وبالتحديد المخرج محمد فاضل، والفنانة فردوس عبد الحميد.
وكتبت فريدة سيف النصر منشور على حسابها الشخصي بموقع التواصل الاجتماعى الفيسبوك: "نجيب الريحاني.. لما الصحافه والمواقع تفتح عينك علي سؤال واحد إيه رأيك في الضاحك الباكي والهجوم عليه..واسأله غريبه هاارد واقول بالتفصيل..اه باتفرج ده محمد فاضل يعني..اللي اتشرفت بمسلسل الشارع الجديد معاه..مالكم.
وتابعت سيف النصر:"ثانيا..البطأ والألوان والديكور والأداء..مش فاهمه المقصود؟يااساتذه الأداء في الأربعينات كده البساطه والهدوء كده ظروفهم المعيشية كده وصح جدا بل كنت اتمني يتصور اسود وابيض.ونلون بعدين..أنا شايفه لانه سيره ذاتيه يعني بينقل لك حياه كامله حقيقيه بلا فذلكه وتدخلات وابهارات بصريه واكشن ..في ايه ياجماعه كل عمل له جو خاص به.
وأضافت:"وهجوم ليه ليه هو احنا لسه شوفنا ربع العمل حتي ياساتر يارب..تعالوا نحب الخير لبعض الموت مش بعيد عن أي حد كبير او صغير بلاش كده..نحكم قدام شويه..اعمال كتير بدءت قويه وحركات وابهار وخفتت وماتابعنهاش..وأعمال بدءت بسيطه وشويه شويه شدت وعليت.وفي اعمال حدث ولا حرج قمة هجومكم ينفع معاهم لكن لاه انتم مركزين هنا ماعرفش ليه؟ ياحبايبي مش كده والله يأولاد ويابنات خلليكم منصفين وأصحاب اقلام شريفه.
واختتمت فريدة سيف النصر:" اصبروا ماتبقوش محضرين السكاكين كده..مفضوحه يعني الطريقه ليه كده..لاحول ولاقوة الا بالله..وعلي فكره عمر عبد الجليل.. فجأة بقي الريحاني وعلشان أنا اقتنع وأصدق كاممثله..فالازم اقول له برافو قلعت عمر وفرملته بمفرداته بره الاستديو وليست نجيب أو لبسك ، شابووووووو،واصبروا عالذبح سموا الاول ياجزارين الفن.
مسلسل «الضاحك الباكي» بطولة عمرو عبدالجليل، ورزان مغربي وفردوس عبدالحميد، هاجر الشرنوبي، محمد سليمان، محمد صلاح آدم، تأليف محمد الغيطي، وإخراج محمد فاضل، ومن إنتاج عين للإنتاج الفني (شادي أبوشادي وكريم أبوشادي) والشركة المتحدة للخدمات الإعلامية.