علقت الراقصة سما المصري على صورة الفنانة نيللي كريم بالمايوه عبر صفحتها بموقع الصور الشهير "إنستجرام".
وقالت المصري: "بالنسبة لنيللي حرية شخصية.. بالنسبة لسما المصري قلة أدب وسفالة.. طبعا لو سما المصري هي اللي كانت لابسه المايوه ده ومنزلة صورة زي دي كان زمان اتعمل عليا حفله دلوقتي، واتمسك لها طبلة ورق، واشتغلت المواقع تقطيع في اللي جابوني من صحفيين ولاد حلال ومواقع ع النت وصفحات من إياها".
وتساءلت المصري، قائلة: "طب ما هو الفنانات اللي بيسبقوني في السن وفي الفن بيلبسوا مايوهات عادي أهو إشمعنى أنا؟.. لكن نيللي نجمة برضه.. أنا عارفة إني بنت البطة السودا، وكمان في فرق سرعات برضه يا سيدي.. امممم.. آه لو لعبت يازهر".
وواصلت المصري كلامها: "بحبك يا نيللي.. على فكرة الصورة على صفحتها أنا مش سارقاها.. أنا مش حرامية.. أنا مغنية.. هههه.. بس بصراحة قمر يا نيللي ولا يبان عليكي السن والمايوه يجنن عليكي".
وتابعت قائلة: "ربنا يحميكي والله وتمتعينا بالمايوهات الحلوة دي.. هانزل اشتري مايوه زيه بالظبط ولا عزاء للمنفسنين".